დავით ნარმანია NDI-ის კვლევებზე: საშიში და საგანგაშო არაფერია

2015-05-13 14:17:07, 331 ნახვა

პოლიტიკა

დედაქალაქის მერის დავით ნარმანიას განცხადებით, NDI –ის მიერ გამოქვეყნებულ კვლევის შედეგებს ჯერჯერობით დეტალურად არ გაცნობია, თუმცა, ფიქრობს, რომ საგანგაშო არაფერია და ქვეყანა პროგრესის გზით მიდის.
მისივე განმარტებით, თუ რატომ არ აისახა პროგრესი შესაბამის კვლევებში, ამას მეთოდოლოგიის ნახვა სჭირდება.
„ვინაიდან EBRD–ის საორგანიზაციო საკითხებში აქტიურად ვარ ჩართული და დილით თბილისის მერიაში მთავრობის სხდომა გვქონდა, კვლევების დეტალურად გაცნობის საშუალება არ მომეცა, მხოლოდ ზოგად მაჩვენებელს ვეცნობი და გამიჭირდება კონკრეტული კომენტარების გაკეთება. ვფიქრობ, რომ საშიში და საგანგაშო არაფერია. ქვეყანა პროგრესის გზით მიდის და ამ პროგრესს საზოგადოება ხედავს. თუ რატომ არ აისახა ეს ყველაფერი შესაბამის კვლევებში, ამას მეთოდოლოგიის ნახვა სჭირდება. კვლევების დეტალურად გაცნობის შემდეგ შევძლებ, რომ ამ თემის შესახებ მეტი ვისაუბრო“,– აღნიშნა ნარმანიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან