კატალონიის ავტონომიის ყოფილი ხელმძღვანელი კარლეს პუჩდემონი კატალონიის მთავრობის ხელმძღვანელის პოსტზეა წარდგენილი.

ამის შესახებ კატალონიის ახლად არჩეული პარლამენტის სპიკერმა როჟე ტორენმა განაცხადა.

„მე კარლეს პუჩდემონის კანდიდატურას მთავრობის ხელმძღვანელის პოსტზე წარვადგენ“, - განაცხადა როჟე ტორენმა გამართულ პრესკონფერენციაზე.

კატალონიის პარლამენტის სპიკერმა ასევე აღნიშნა, რომ უახლოეს პერიოდში მოლაპარაკებებს გამართავს ესპანეთის მთავრობის მეთაურთან მარიანო რახოისთან და თავად კარლეს პუჩდემონთან.

„მე მესმის პუჩდემონის პირადი და იურიდიული სიტუაცია, მაგრამ ვთვლი, რომ მას კანონიერი უფლება აქვს კანდიდატი იყოს“,– განაცხადა ტორენმა.

კატალონიის პარლამენტის პირველი სხდომა, რომელზეც კატალონიის მთავრობის ხელმძღვანელის კანდიდატურას განიხილავენ, 31 იანვარს გაიმართება. კანდიდატურის დასამტკიცებლად  ხმების აბსოლუტური უმრავლესობაა საჭირო. 

მანამდე, ესპანეთის პროკურატურამ სასამართლოს მიმართა და კატალონიის ყოფილი ლიდერის კარლეს პუჩდემონის ბრიუსელიდან კოპენჰაგენში გადასვლის შემთხვევაში დაპატიმრების ევროპული ორდერის გაცემა მოითხოვა. თუმცა, ესპანეთის პროკურატურის გაფრთხილების მიუხედავად, კატალონიის ყოფილი ლიდერი ბელგიიდან დანიაში გაემგზავრა.

ავტორი: ,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება