17:36 - 11 Apr, 2026
ჩვენ შესახებ რეკლამა/ხელმოწერა
2015-05-13 12:22:35, 358 ნახვა

პოლიტიკა
სუმა ჩაკრაბარტი: საქართველო თანამშრომლობის კუთხით სანიმუშო ქვეყანაა

„ყოველწლური შეხვედრისთვის საქართველო იმიტომ ავირჩიეთ, რომ ჩვენთვის თანამშრომლობის სანიმუშო ქვეყანას წარმოადგენს“, - ამის შესახებ EBRD-ის პრეზიდენტმა სუმა ჩაკრაბარტიმ საქართველოს პრეზიდენთან გიორგი მარგველაშვილთან შეხვედრის შემდეგ ჟურნალისტებს განუცხადა.
მისი თქმით, EBRD-ის ყოველწლიური შეხვედრა საქართველოს შესაძლებლობას აძლევს, ქვეყანა უცხოელ ინვესტორებს წარუდგინოს. სუმა ჩაკრაბარტის თქმით, შეხვედრით საქართველოში ინვესტიციების შემოსვლის უზრუნველყოფა და სამუშაო ადგილების შექმნის ხელშეწყობა სურთ.
„მე და პრეზიდენტს გვქონდა ბრწყინვალე შეხვედრა, მას შემდეგ, რაც ასევე გვქონდა ძალიან კარგი შეხვედრა ლონდონში გასულ შემოდგომას. რა თქმა უნდა, განვიხილეთ ყოველწლიური ღონისძიება, რომელიც თბილისში იმართება, რაც ძალიან მნიშვნელოვანია. ჩვენ საქართველო იმიტომ ავირჩიეთ, რომ ჩვენთვის წარმოადგენს თანამშრომლობის სანიმუშო ქვეყანას. ეს არის ქვეყანა, სადაც მოსახლეობის რიცხოვნობის მიხედვით ყველაზე მეტი ინვესტიცია მოვახდინეთ სხვა იმ ქვეყნებთან შედარებით, სადაც EBRD-ი მოღვაწეობს. ეს არის 2,6 მილიარდი ევროს ინვესტიცია 180 პროექტში. გასული წლის რეკორდული მაჩვენებელი კი 214 მილიონი ევროს ინვესტიციაა 30 პროექტში ეკონომიკის ფართო სპექტრში და წინ კიდევ ძლიერი გეგმები გვაქვს. ყოველწლიური შეხვედრა მთლიანობაში, რა თქმა უნდა, EBRD-ს ეხება, მაგრამ ეს ასევე რეალური შესაძლებლობაა საქართველოსთვის საკუთარი ქვეყანა წარუდგინოს მრავალ უცხოელ ინვესტორს დ სწორედ ისაა, რისი მიღწევაც გვსურს ამ შეხვედრით, რომ უზრუნველვყოთ ინვესტიციების შემოდინება საქართვლეოში და ხელი შევუწყოთ რეალურ ეკონომიკას, სამუშაო ადგილების შექმნას. საქართვველო ამას იმსახურებს და EBRD-ი ყოველთვის იქნება თქვენი ქვეყნის გვერდით“, - განაცხადა სერ სუმა ჩაკრაბარტიმ და დასძინა, რომ ევროპის რეკონსტრუქციისა და განვითარების ბანკი მხარს უჭერს საქართველოს გზას ევროინტეგრაცის პროცესში.





ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
ირანი საქართველოს სანქციებისგან თავის დასაღწევად იყენებს -Fox news გამოძიება
ისლამაბადში ირანთან მოლაპარაკებები ოფიციალურად დაიწყო
არა მხოლოდ აღდგომისთვის: უკრაინამ რუსეთს შესთავაზა ცეცხლის შეწყვეტის შეთანხმების გახანგრძლივება
იერუსალიმში, მაცხოვრის საფლავზე წმინდა ცეცხლი გადმოვიდა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics