ამერიკის შეერთებილი შტატების პრეზიდენტა დონალდ ტრამპმა მესამე მსოფლიოს ქვეყნებს „აყროლებული ხვრელები“ უწოდა, - ამის შესახებ BBC იუწყება.

მედია საშუალების ინფორმაციით, შესაბამისი განცხადება ტრამპმა ოვალურ კაბინეტში სხდომის დროს გააკეთა.

მედიის ცნობით, აღნიშნული შეურაცხმყოფელი სიტყვით მან ის ქვეყნები მოიხსენია, საიდანაც ამერიკაში მიგრანტები ჩადიან. კერძოდ, საუბარი იყო ჰაიტიზე, სალვადორზე და აფრიკაზე.

"რად გვინდა, რომ ჩვენთან ჩამოვიდნენ ეს ადამიანები, აყროლებული ხვრელებიდან", - აღნიშნა თეთრი სახლის მეთაურმა.

BBC წერს, რომ ოვალურ კაბინეტში მიმდინარე სხდომაზე მიგრანტების საკითხს განიხილავდნენ. დემოკრატიული პარტიის სენატორმა რიჩარდ დურინმა განაცხადა, რომ ქვეყანამ ისეთიი მიგრანტები უნდა მიიღოს, რომლებიც სტიქიის, საომარი მოქმედებების დროს დაზარალდნენ. ამის შემდეგ, დონალდ ტრამპმა აღნიშნა, რომ ამერიკამ მიგრანტები მხოლოდ წარმატებული ქვეყნებიდან უნდა მიიღოს.

"რად გვინდა ამდენი მიგრანტი ჰაიტიდან? უკან გაუშვით", - დასძინა მან.

ამერიკის პრეზიდენტის ამ განცხადებებს დიდი კრიტიკა მოჰყვა. თეთრი სახლის პრეს-მდივნის რაჯ შახის თქმით, "ზოგიერთ ამერიკელ პოლიტიკოსს ურჩევნია სხვა ქვეყნების ინტერესები დაიცვას, მაგრამ პრეზიდენტი ტრამპი მხოლოდ ამერიკის ინტერესებს აყენებს პირველ პლანზე".

აშშ-ის ფერადკანიანი მოსახლეობის მხარდამჭერის ასოციაციამ, დონალდ ტრამპი ქსენოფობიასა და რასიზმში დაადანაშაულა. თეთრი სახლის მეთაურის გამოსვლას პროტესტი და კრიტიკა სენატორების ნაწილის მხრიდანაც მოჰყვა. დემოკრატი სენატორის, სედრიკ რიჩმონდის თქმით, ტრამპის ლოზუნგი "გავხადოთ ამერიკა კვლავ დიდებული", რეალურად ნიშნავს: "გავხადოთ ამერიკა კვლავ თეთრი".

ავტორი: ,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი