ერაყის ხელისუფლებამ ტერორისტულ დაჯგუფება "ისლამურ სახელმწიფოსთან" ომის შემდეგ ქვეყნისთვის მიყენებული ზარალი დათვალა, - ამის შესახებ "რია ნოვოსტი" იუწყება.

მედია საშუალების ინფორმაციით, ტერორისტების ქმედებების გამო ერაყს 100 მილიარდი დოლარის ზარალი მიადგა.

როგორც ადგილობრივ ხელისუფლებაში აცხადებენ, აღნიშნული თანხა საჭიროა იმისათვის, რომ 10 წლის განმავლობაში ომის შედეგად განადგურებული რაიონების აღდგენა მოხდეს.

"3-4 კვირის განმავლობაშ შესაბამისი სამსახურები მუშაობდნენ ზარალის დათვლაზე. დადგინა, რომ ეს ზარალი 100 მილიარდ დოლარს შეადგენს. ამ ტანხით ხელისუფლებამ უნდა აღადგინოს ყველა განადგურებული რაიონები, ინფრასტრუქტურა, სახელმწიფო ინსტიტუტები და ასე შემდეგ. გეგმმის თანახმად ეს 10 წლის განმავლობაში უნდა მოხდეს. აღდგენითი სამუშაოები ეტაპობრივად განხორციელდება", - განაცხადა ერაყის პრემიერ-მინისტრმა ჰადარ ალ-აბადიმ.

შეგახსენებთ, რომ ქვეყნის პრემიერმა 2016 წლის 9 დეკემბერს განაცხადა, რომ ქვეყანა ტერორისტული ორგანიზაცია „ისლამური სახელმწიფოსგან“ მთლიანად გათავისუფლებულდა.

ცნობისთვის, „ისლამურმა სახელმწიფომ“ ერაყის რეგიონები 2014 წელს დაიპყრო, მათ შორის ქვეყანაში სიდიდით მეორე ქალაქი მოსული. 2017 წელს მასშტაბური ოპერაციის შემდეგ მოსული გაათავისუფლეს, შემდეგ კი საომარი მოქმედებები ტერორისტების მიერ კონტროლირებად სხვა რეგიონებშიც გაგრძელდა. გარდა ამისა, 5 ოქტომბერს ერაყის არმიამ კირკუკის პროვინციაში მდებარე ქალაქ ჰავიჯაზე კონტროლი დაამყარა, რომელიც დაჯგუფება "ისლამური სახელმწიფოს" ბოლო საყრდენი იყო ქვეყნის სამხრეთ ნაწილში.

ავტორი: ,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი