ექსპერტიზამ არსებულ ჩანაწერებში საქართველოს მესამე პრეზიდენტის მიხეილ სააკაშვილისა და ბიზნესმენ სერგეი კურჩენკოს ხმების ავთენტურობა დაადასტურა, - ამის შესახებ უკრაინის გენერალური პროკურატურის პრეს-მდივანმი ლარისა სარგანი Facebook-ის საკუთარ გვერდზე წერს.

"უკრაინის უსაფრთხოების სამსახურის სპეციალური ტექნიკისა და სასამართლო ექსპერტიზის სამეცნიერო-კვლევითი ინსტიტუტის ექსპერტიზამ არსებულ ჩანაწერებში მიხეილ სააკაშვილისა და სერგეი კურჩენკოს ხმების ავთენტურობა დაადასტურა. ფარული სამძებრო ღონისძიების გატარების შედეგად მათ მიერ ნათქვამი სიტყვები და ფრაზები ოქმში პერსონიფიცირებულია“, - წერს სარგანი.

როგორც უწყების პრეს-მდივანმა აღნიშნა: „დაახლოებით 15 ადამიანი, რომლებიც უკრაინის სამართალდამცავ ორგანოებს სააკაშვილის, კურჩენკოს, დინნიკისა და დანგაძის სისხლის სამართლის დანაშაულების დოკუმენტირებაში ეხმარებიან, მოწმის სახით დაიკითხნენ და სახელმწიფო დაცვის ქვეშ იმყოფებიან“.

აღსანიშნავია, რომ სააკაშვილი მისი ხმის ავთენტურობას არც უარყოფდა. მაშინ ყოფილი პრეზიდენტი აცხადებდა, რომ მისი ხმა სხვადასხვა საუბრებიდან არის ამოჭრილი და კურჩენკოს ხმასთან დაამონტაჟეს.

ავტორი: ,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო