საქართველოს ყოფილმა პრეზიდენტმა მიხეილ სააკაშვილმა Facebook-ის პირად გვერდზე  უკრაინის პრეზიდენტისადმი ღია წერილი გამოაქვეყნა.

მან პეტრო უღირს პიროვნებად მოიხსენია და გადადგომისკენ მოუწოდა.

„ წინა წერილში მე გთავაზობდით, რომ ერთად მოგვეძებნა  კონფლიქტის მოგვარების გზები.  თუმცა თქვენ ჩემი პირადი წერილი გაასაჯაროვეთ.  წინააღმდეგი არ ვარ, მანდ არაფერი  წერია ისეთი,  რისი დამალვაც მენდომებოდა. თუმცა, ამ საქციელით თქვენ დაამტკიცეთ, რომ უღირსი პიროვნება ხართ“, – ნათქვამია წერილში.

ოდესის ყოფილმა გუბერნატორმა აღნიშნა, რომ უკრაინის პრეზიდენტს არ სურს რეფორმების გატარება, რომელსაც უკრაინელი ხალხი ითხოვს.

 „უკრაინას მესამე მაიდანი არ სჭირდება, ეს ძალიან სახიფათოა. საქმე არა მხოლოდ თქვენ სიცოცხლეს, არამედ მილიონობით უკრაინელის სიცოცხლეს ეხება. ხალხი კი რადიკალურად არის განწყობილი. უკრაინელი ხალხი მზადაა იარაღი აიღოს ხელში და შტურმით აგიღონ. იანუკოვიჩისგან განსხვავებით, თქვენ წასავლელი არასდ გაქვთ.

აღიარეთ, რომ თქვენ და თქვენს თანამოაზრეებს არ შეგიძლიათ უკრაინის უკეთესობისკენ შეცვლა. თქვენი ნებაყოფლობითი გადადგომა თქვენი ბოლო შანსია, რათა პოლიტიკური კრიზისი გადალახული იყოს, რომელიც სხვაგვარად მხოლოდ გაღრმავდება. პრეზიდენტს, რომელიც ნებაყოფლობით გადადგება და ხალხის წინაშე თავი დახარა, შეუძლია სასჯელის შემსუბუქებისა და შეწყალების იმედი ჰქონდეს“, - ნათქვამია მიხეილ სააკაშილის წერილში.

ავტორი: ,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის