გაეროს უშიშროების საბჭოს სხდომაზე ამერიკის შეერთებულმა შტატებმა იერუსალიმთან დაკავშირებით რეზოლუციას ვეტო დაადო, -  ამის შესახებ Reuters იუწყება.

რეზოლუციის პროექტით გაერო იერუსალიმის სტატუსის შეცვლას არ ეთანხმება და ამერიკის პრეზიდენტს დონალდ ტრამპს მოუწოდებს თავის გადაწყვეტილებას გადახედოს.

როგორც გაერო-ში ამერიკის ელჩმა ნიკი ჰეილიმ აღნიშნა, რაც უშიშროების საბჭოს სხდომის მსვლელობისას იხილა, შეურაცხმყოფელია. მისივე თქმით, ეს პირველი ვეტოა, რომელიც აშშ-მ ბოლო 6 წლის განმავლობაში გამოიყენა.

„ის, რომ რეზოლუციაზე ვეტო გამოვიყენეთ ამერიკის სუვერენიტეტის დასაცავად და ახლო აღმოსავლეთში სამშვიდობო პროცესში აშშ-ის როლის ხაზგასასმელად, ჩვენთვის დამაბრკოლებელი არ უნდა იყოს“, - განაცხადა ჰეილიმ.

ცნობისთვის, აღნიშნული პროექტი, პალესტინამ მოამზადა, ხოლო გაერო-ს უშიშროების საბჭოში ეგვიპტემ წარადგინა. დოკუმენტში წერია, რომ "ყველა გადაწყვეტილებას და ქმედებას, რომელიც იერუსალიმის სტატუსის და დემოგრაფიული შემადგენლობის შეცვლას ემსახურება, იურიდიული ძალა არ აქვს და გაერო-ს რეზოლუციების შესაბამისად უნდა გაუქმდეს". რეზოლუციის პროექტს მხარი საბჭოს 14-მა წევრმა დაუჭირა.

ავტორი: ,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო