ეროვნულ ვალუტასთან დაკავშირებით, ყოველგვარი ბრალდება და კრიტიკა აღიქმება, როგორც აბსურდული სპეკულაცია და დემაგოგია, - ასე უპასუხა პრემიერ-მინისტრმა ირაკლი ღარიაბშვილმა საპარლამენტო უმცირესობის წევრის ჩიორა თაქთაქიშვილის კითხვას.

თაქთაქიშვილი დაინტერესდა, „როდის გახდება 1 დოლარი 1.67 ლარი, როგორც ეს 2012 წლის 1 ოქტომბერს იყო და პრემიერ-მინისტრს ბანერზე გამოსახული ლარის კურსი უჩვენა.

როგორც პრემიერმა აღნიშნა, ის, რომ ეროვნული ვალუტის გაუფასურება საგარეო ფაქტორებმა გამოიწვია, საერთაშორისო სავალუტო ფონდის წარმომადგენლებმაც დაადასტურეს.

„თუ ლარი დოლართან გაუფასურდა დაახლოებით 30%-ით, ის გამყარდა იაპონურ იენთან, რუსულ რუბლთან, 16% თურქულ ლირასთან 7%-ით მოლდოვურ ლეისთან, უკრაინულ გრივანსთან, ბელარუსიულ რუბლთან. ამავე პერიოდში, იენი დოლართან მიმართებით დაეცა 53%-ით და ასე შემდეგ. მე გეტყვით, რომ დღეს ჩვენ მოვისმინეთ საერთაშორისო სავალუტო ფონდის ადგილობრივი წარმომადგენლების განცხადებებიც, რომ ეროვნული ვალუტის გაუფასურება გამოიწვია ძირითადად, საგარეო ფაქტორებმა. ასე რომ ყოველგვარი ბრალდება და კრიტიკა აღიქმება როგორც აბსურდული სპეკულაცია და დემაგოგია“, - განაცხადა ირაკლი ღარიბაშვილმა.

ჩიორა თაქთაქიშვილის მიერ, საკუთარ ადგილზე სავალუტო ბანერის გამოფენას პარლამენტის თავმჯდომარე გამოეხმაურა და დეპუტატს ასე მიმართ: „მაგ საქმიანობას ლიცენზია ჭირდება ეროვნული ბანკიდან“.

ცნობისთვის პარლამენტში რიგგარეშე პლენარული სხდომა მიმდინარეობს, სადაც პრემიერი დეპუტატების კითხვებს პასუხობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა