ფრაქცია „ქართული ოცნების“ თავმჯდომარე მამუკა მდინარაძე „ნაციონალური მოძრაობის“ წევრ რომან გოცირიძეს ტყუილში ადანაშაულებს.

გოცირიძემ პარლამენტის პლენარულ სხდომაზე განაცხადა, რომ მიხეილ სააკაშვილს საქართველოში  მისი კონსტიტუციური უფლებამოსილების გამოყენების გამო ასამართლებენ.

მდინარაძის განმარტებით, დანაშაულია არა კონსტიტუციური უფლების გამოყენება, არამედ კონკრეტულ სისხლის სამართლის საქმეზე წინასწარ დაპირება კონკრეტული მოცემულობების შესრულების შემთხვევაში, ამა და ამ შედეგის დადგომის თაობაზე. ეს კი, მდინარაძის განაცხადებით, უფლებამოსილების ბოროტად გამოყენებაა:

„ბატონო რომან, იურისტი არ ბრძანდებით, მაგრამ მგონია, არ გეპატიებათ ასე პირდაპირი მოტყუება ჩვენი თანამოქალაქეების. გასაგებია, რომ თქვენ თქვენს პოლიტიკურ ლიდერს იცავთ, გასაგებია, რომ  თქვენს პოლიტიკურ ლიდერს, თქვენ   არაფერი დაგიშავებიათ 9-10 წლის განმავლობაში, ყვაოდა ეს ქვეყანა, ადამიანის უფლებები იყო დაცული და ვიყავით დემოკრატიის შუქურა, ეს „გავიგეთ“, „დავიჯერეთ“, ვიღაცებმა მემგონი მართლა დაიჯერეს, რამდენიმე ასეუოლმა ადამიანმა საქართველოში, მაგრამ  რეალურად ხომ ვიცით, რა ხდებოდა? მე, როგორც იურისტმა, შემიძლია გითხრათ, რომ კონსტიტუციური უფლებების გამოყენება კიარ არის დანაშაული, დანაშაულია კონკრეტულ სისხლის სამართლის საქმეზე წინასწარ დაპირება კონკრეტული მოცემულობების შესრულების შემთხვევაში ამა და ამ შედეგის დადგომის შესახებ. ამას ჰქვია უფლებამოსილების ბოროტად გამოყენება.

რაც არ უნდა არწმუნოთ საზოგადოება, რომ ვიღაცა ვიღაცამ შეიწყალა და ამაზე ბრალს უყენებენ, სინამდვილეში, როცა არის წინასწარ დაპირებები, ამას ჰქვია კონკრეტული დანაშაული თავისი სუბიექტური და ობიექტური შემადგენლობით“,-მიმართა მდინარაძემ გოცირიძეს.

შეგახსენებთ, „ნაციონალური მოძრაობის“ წევრმა რომან გოცირიძემ განაცხადა, რომ მიხეილ სააკაშვილს  საქართველოში მისი კონსტიტუციური უფლებების გამოყენების გამო ასამართლებენ:

„უკრაინაში პატიმრობას ითხოვდა პროკურატურა იმის გამო, რომ თურმე მას რომელიღაც ქვეყნის სპეცსასახურებიდან ემუქრებოდა სიკვდილი. ამიტომ, მასზე ზრუნვის გამო გადაწყვიტეს ჩაეკეტათ სახლში.მსგავსი აბსურდი ხდება დღეს საქალაქო სასამართლოში. სააკაშვილს ასმართლებენ მისი კონსტიტუციური უფლებების გამოყენების გამო. კუბაშიც კი არ მომხდარა, რომ პრეზიდენტი გაესამართლებინათ შეწყალების აქტის განხორციელებისთვის.

პრეზიდენტმა, რომელმაც გაუნახევრა პატიმრობის ვადა 179 ძალოვან სტრუქტურებში ნამუშევარ ადამიანს, რომლებმაც მიიღეს საომარ მოქმედებებში მონაწილეობა, სწორედ პრეზიდენტის კონსტიტუციური უფლების შესრულების გამო დღეს ეს აბსურდული სასამართლო მიმდინარეობს“,-განაცხადა გოცირიძემ.

ავტორი: ,

სოციალური ქსელები

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი