„ნაციონალური მოძრაობის“ წევრის რომან გოცირიძის განცხადებით, დასახელებული არგუმენტი, რომლის გამოც, უკრაინის პროკურატურას მიხეილ სააკაშვილისთვის შინაპატიმრობის მისჯა სურდა, აბსურდულია.

გოცირიძის თქმით, მსგავსი აბსურდი ხდება თბილისის საქალაქო სასამართლოშიც, როდესაც სააკაშვილს მისი კონსტიტუციური უფლებების გამოყენების გამო ასამართლებენ:

„უკრაინაში პატიმრობას ითხოვდა პროკურატურა იმის გამო, რომ თურმე მას რომელიღაც ქვეყნის სპეცსასახურებიდან ემუქრებოდა სიკვდილი. ამიტომ, მასზე ზრუნვის გამო გადაწყვიტეს ჩაეკეტათ სახლში.მსგავსი აბსურდი ხდება დღეს საქალაქო სასამართლოში. სააკაშვილს ასმართლებენ მისი კონსტიტუციური უფლებების გამოყენების გამო. კუბაშიც კი არ მომხდარა, რომ პრეზიდენტი გაესამართლებინათ შეწყალების აქტის განხორციელებისთვის.

პრეზიდენტმა, რომელმაც გაუნახევრა პატიმრობის ვადა 179 ძალოვან სტრუქტურებში ნამუშევარ ადამიანს, რომლებმაც მიიღეს საომარ მოქმედებებში მონაწილეობა, სწორედ პრეზიდენტის კონსტიტუციური უფლების შესრულების გამო დღეს ეს აბსურდული სასამართლო მიმდინარეობს.ძალიან სასაცილოს  ჟღერს ე.წ. ვენოკების საქმე. პრეზიდენტმა თაიგული მიართვა კაჩინსკის გარდაცვალების დღეს, ვაცლავ ჰაველს და ეს  ინვოისები გამოფინეს, როგორც პრეზიდენტის მიერ გაეწული უკანონო ხარჯების დამადასტურებელი.

ახლა აღმოაჩინეს კიდევ ერთი ინვოისი სამარცხვინო ფაქტი, 2010 წელს გარდაიცვალა მსოფლიოში ცნობილი ამერიკელი დიპლომატი, რომლის დაკრძალვასაც ესწრებოდა სააკაშვილი, მიიტანა სამგლოვიარო თაიგული და ეს თაიგული და ინვოისი არისჯანაშიას საქმეზე წარდგენილი როგორც უკანონო ხარჯის დამადასტურებელი მაგალითი“,-აღნიშნა გოცირიძემ და დასძინა, რომ პრეზიდენტს მაღალი თანამდებობის  სახელმწიფოს წარმომადგენლებთან  რესტორანში, ან სხვაგან გაწეულ  ხარჯებსაც კი უთვლიან:

„ასეთ ხარჯებს დღეს ეწევა ყველა მაღალი თანამდებობის პირი-პრეზიდენტი, პრემიერი, პარლამენტის თავმჯდომარე, მინისტრები და უამრავი სხვა, რომლებსაც უყვართ გზებზე სუფრის გადაფენა, თბილისის მერიაში ერთ დღეში 72 000 ლარი დახარჯეს. ამ აბსურდული საქმეების შეწყვეტას ვითხოვთ, შეწყდეს საკააშვილის დევნა თორემ ეს არ დამთავდება კარგად ხელისუფლებისთვის“,-განაცხადა რომან გოცირიძემ.

ავტორი: ,

სოციალური ქსელები

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი