საქართველოს პრემიერ-მინისტრი გიორგი კვირიკაშვილი გია გაჩეჩილაძის (უცნობი) ბრალდებებს გამოეხმაურა.

როგორც პრემიერმა ჟურნალისტებს განუცხადა, სახელმწიფო შესყიდვებში "უსამართლო" პირობებთან დაკავშირებით, გაჩეჩილაძის ბრალდებები მისი გუნდის წევრების მიმართ უსაფუძვლოა.

მან ასევე აღნიშნა, რომ ტენდერი რომელზეც გაჩეჩილაძე საუბრობს, კანონის დაცვით ჩატარდა.

 „გავეცანი გია გაჩეჩილაძის გუშინდელ გამოსვლას. ჩემთვის სამწუხარო იყო იმის მოსმენა და ნახვა, რაც მან ილაპარაკა. აბსოლუტურად დაუსაბუთებლად პირადი შეურაცხყოფა მიაყენა იმ ადამიანებს და გუნდის წევრებს, რომლის ხელმძღვანელიც გახლავართ. მე და გია ერთად ვიბრძოდით, რომ ადამიანის ღირსება დაგვეცვა, მაგრამ სამწუხაროდ, მივიღე ის შეურაცხყოფა მისგან. არ ველოდი და არც შევეგუები, არ შემიძლია მოვისმინო ქება ადამიანისგან, რომელიც ჩემი გუნდის წევრებს აყენებს შეურაცხყოფას. ასევე გავეცანი იმ საკითხს, როდესაც მან ჯანდაცვის სამინისტროს მიერ გამოცხადებულ ტენდერზე ისაუბრა. მინდა ვთქვა, რომ როდესაც გია დამიკავშირდა, მე მივეცი დავალება მთავრობის ადმინისტრაციას, რომ არ მომხდარიყო ისე და არ დაჩაგრულიყო ბიზნესმენი, ყოფილიყო თანაბარი პირობები ყველასთვის. მინდა ვთქვა, რომ ტერიელ ხეჩიკაშვილი და ის ბიზნეს ჯგუფი, რომელშიც მას წილი გააჩნდა, თუ დღეს გააჩნია, არაფერ შუაში იყო ამ ტენდერთან. სრულიად სხვა კომპანიამ გაიმარჯვა. მეორეს მხრივ კი, ყველაფერი კანონის დაცვით ჩატარდა. მოვითხოვ, რომ გია გაჩეჩილაძემ მიმართოს კონკურენციის სააგენტოს, თუმცა რომ არ მოხდეს გარკვეული ტიპის სპეკულაციები იმასთან დაკავშირებით, რომ კონკურენციის სააგენტოს ხელმძღვანელს პრემიერი ნიშნავს, მიმართოს სასამართლოს. თუ სასამართლო დაადასტურებს, რომ მთავრობა რამეში შეცდა, მზად ვარ ავიღო ნებისმიერი პასუხისმგებლობა, მათ შორის დავტოვო თანამდებობაც. თუ დადასტურდა, რომ ყველაფერი კანონის დაცვით ჩატარდა, გამოვიდეს ბატონი გია გაჩეჩილაძე და ბოდიში მოუხადოს ტარიელ ხეჩიკაშვილს, ყველას, მათ შორის მეც. კიდევ ერთხელ ვამბობ, რომ ჩემთვის მიუღებელია ჩემი გუნდის წევრების ლანძღვა და პარალელურად ჩემი ქება. არ მჭირდება ასეთი ქება, წაიღოს თავისი სიტყვებით უკან", - განაცხადა პრემიერ-მინისტრმა.

შეგახსენებთ, გია გაჩეჩილაძემ (უცნობი) გუშინ გამართულ ბრიფინგზე სახელმწიფო შესყიდვებში უსამართლო პირობების არსებობაზე ისაუბრა და აღნიშნა, რომ სახელმწიფოს ცალკეულ კერძო კომპანიებთან კარტელური გარიგებები აკავშირებს.

ავტორი: ,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის