ევროკომისიამ საქართველოს მიერ ვიზალიბერალიზაციის სამოქმედო გეგმის შესრულების მესამე პროგრესული ანგარიში გამოაქვეყნა.

საქართველოსთვის ევროკავშირის მიერ 2014 წლის ოქტომბერში გახსნილი ვიზალიბერალიზაციის სამოქმედო გეგმის მეორე ფაზა 15 ძირითად მოთხოვნას გულისხმობდა. დღეს გამოქვეყნებულ ანგარიშში ამ 15 მოთხოვნას შორის „შესრულებულად“ ჩაითვალა 7 მოთხოვნა; 4 მოთხოვნა ჩაითვალა „თითქმის შესრულებულად“, ხოლო კიდევ 4 ჩაითვალა „ნაწილობრივ შესრულებულად“, ოღონდ − „შემდგომი პროგრესის კარგი პერსპექტივით“.

შესრულებულია: დოკუმენტების უსაფრთხოება; საზღვრების მართვა; ბრძოლა ორგანიზებულ დანაშაულთან; სასამართლოების თანამშრომლობა; პერსონალურ მონაცემთა დაცვა; გადაადგილების თავისუფლება.

თითქმის შესრულებულია: მიგრაციის მართვა; ფულის გათეთრება; სამართალდამცავი ორგანოების თანამშრომლობა; უმცირესობათა უფლებები.

ნაწილობრივ შესრულებულია შემდგომი პროგრესის კარგი პერსპექტივით: თავშესაფარი; ბრძოლა ადამიანით ვაჭრობასთან; კორუფციასთან ბრძოლა; ბრძოლა ნარკოტიკებთან.

ევროკომისიის ანგარიშში აღნიშნულია, რომ საქართველოს მიერ მიღწეული პროგრესი ვიზალიბერალიზაციის სამოქმედო გეგმის 4 ბლოკის შესრულების მხრივ არის არსებითი, რაც გამოხატავს ქვეყნის მტკიცე ნებას, შეასრულოს დასახული ამოცანები. ეს არის ძალზე ფართო და მასშტაბური შრომისა და ძალისხმევის შედეგი.

 ანგარიშში, ასევე, აღნიშნულია, რომ საქართველოს მიერ განხორციელებული რეფორმების ღრმა ანალიზი იძლევა საშუალებას, დავასკვნათ, რომ ოთხივე ბლოკის მიმართულებით ქვეყანაში მოქმედი საკანონმდებლო და სახელმწიფო პოლიტიკის ფორმირებასთან დაკავშირებული სისტემები, აგრეთვე, სახელმწიფოს ინსტიტუციური და ორგანიზაციული ხასიათის პრინციპები და პროცედურები, ძირითადად, შეესაბამება საუკეთესო ევროპულ და საერთაშორისო სტანდარტებს. ამდენად, კომისიამ მიიჩნია, რომ საქართველომ ფართოდ შეასრულა სავიზო რეჟიმის ლიბერალიზაციის სამოქმედო გეგმის მეორე ფაზა.

 დასასრულს, კომისიამ მიიჩნია, რომ ამ ძალზე მნიშვნელოვანი და არსებითი პროგრესის გამო, რომელსაც საქართველომ სულ რამდენიმე თვეში მიაღწია, კომისია მზად არის, დაადგინოს შემდეგი ანგარიშის გამოქვეყნების ვადა, იმ პირობით, რომ საქართველო გააგრძელებს ასეთივე სწრაფი ტემპით დარჩენილი პირობების შესრულებას. ანგარიშში მოცემულია გარკვეული რეკომენდაციები, რომელთა შესრულება შეფასებული იქნება როგორც საქართველოს მიერ სავიზო რეჟიმის ლიბერალიზაციის სამოქმედო გეგმის მეორე ეტაპის დასრულება.

კომისიის შემდეგი ანგარიში 2015 წლის ბოლომდე მომზადდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times