საქართველოს მესამე პრეზიდენტის მოკავშირე კობა ნაყოფია აცხადებს, რომ ყოფილი გუბერნატორის ბინაში გადაყვანა მისი ჯანმრთელობის მდგომარეობიდან გამომდინარე იყო საჭირო, - ამის შესახებ Strana იუწყება.

"მიხეილი ავად გახდა. მას 40 გრადუ სიცხე ჰქონდა. აუცილებელი იყო მისი სადმე გადაყვანა, რომ ემკურნალა. ამიტომ, ის გადაიყვანეს ბინაში. არ ვიცი ვინ არის ის კაცი, რომელთანაც სააკაშვილი იმყოფებოდა“, - აღნიშნა ნაყოფიამ.

შეგახსენებთ, რომ მიხეილ სააკაშვილი გუშინ დააკავეს. ის წინასწარი პატიმრობის იზოლატორში იმყოფება. ყოფილმა პრეზიდენტმა შიმშილობა გამოაცხადა, სანამ მას არ გაათავისუფლებენ. სავარაუდოდ, სააკაშვილის სასამართლო პროცესი 11 დეკემბერს გაიმართება. სააკაშვილი დაკავებულია სისხლის სამართლის კოდექსის 256-ე მუხლის საფუძველზე, რაც ორგანიზებული დანაშაულებრივი დაჯგუფებისთვის ხელშეწყობას გულისხმობს. უკრაინელი დეპუტატის, ანტონ გერაშენკოს თქმით, სააკაშვილისთვის აღკვეთის ღონისძიების ზომას სასამართლო 72 საათის განმავლობაში განსაზღვრავს. პროკურატურა საქართველოს მესამე პრეზიდენტის მიხეილ სააკაშვილისთვის აღმკვეთის ღონისძიების სახით ელექტრონული სამაჯურით შინაპატიმრობას ითხოვს.

ავტორი: ,

სოციალური ქსელები

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო

ერთ წელიწადში საქართველოში 1560 ბავშვზე იძალადეს, მათ შორის 170-ზე სექსუალურად