პარლამენტის რიგგარეშე სხდომაზე საპარლამენტო უმრავლესობის ლიდერმა არჩილ თალაკვაძემ იმ ამოცანებსა და მიზნებზე  ისაუბრა, რაც  მთავრობის სტრუქტურულ რეფორმას უდევს საფუძვლად:

„რაც შეეხება ამოცანას, ამოცანა არ იცით, ბოლოდან იწყებთ, ჯერ ჭერს აშენებთ, შემდეგ საფუძველს და ამის გასაღება გინდათ. როგორი გამსაღებლებიც იყავით, ყველას კარგად გვახსოვს და გასაღებაში თქვენ ვის უნდა დასდოთ ბრალი, მაგრამ ამაოცანა არსებობს ამ რეფორმების. ეს არის მთავრობის ეფექტურობის და კოორდინაციის ზრდა, მოძრაობა მცირე მთავრობისაკენ. ეკონომიკა ნაკლები ჩარევით უფრო მეტად განვითარდება. კერძო სექტორს და სამოქალაქო საზოგადოებას ამ ცვლილებებით ექნება მეტი სივრცე, თავისი პოტენციალის ჩართულობის ასამაღლებლად“,-აღნიშნა თალკავაძემ.

მან დეპუტატებს ინფორმაცია რესურსების დაზოგვის შესაძლებლობის კუთხითაც მიაწოდა:

„თქვენ სპეციალურად ილაპარაკეთ, თითქოს ეს ცვლილებები ისე კეთდება, რომ წარმოდგენა არავის აქვს, რისი დაზოგვა მოხდება. 7-ჯერ რომ გაგიმეორეთ წინა სხდომაზე, რა დაიზოგება,ერთხელ რა იქნებოდა გამოხმაურებოდით? პირობებს დებთ და არ აკეთებთო.თქვენ ამ დარბაზში არ იყავით, როდესაც დიმიტრი ქუმსიშვილმა თქვა, რომ ამ წლის განმავლობაში ჩვენ გავაკეთებთ ადმინისტრაციული ხარჯების შრომის ანაზღაურებაში დანახარჯების ეკონომიას? ეს პირობა ზედმიწევნითაა შესრულებული. ქამრების შემოჭერაზე  რომ ლაპარაკობთ, ციფრები მაინც მოიყვანეთ, უთხარით ხალხს, მეტ ფულს კიარ ვხარჯავთ, ნაკლები დავხარჯეთ. მომავალ წელს მთავრობის მიმდინარე ხარჯები მთლიან შიდა პქროდუქტთან მიმართებაში 1,5%-ით მცირდება. წინა წლებია მომდევნო წლების შედარების საფუძველი, აბა რას უნდა შევადაროთ?!
ცოტა უკმაყოფილო ხართ, მხოლოდ 6 კაცი რატომ ტოვებს სამსახურს რეფორმების შედეგადო. ვიცი, რომ გეწყინათ, რომ მხოლოდ 6 კაცი რჩება უსამსახუროდ, მაგრამ ჩვენი მიდგომა არის თანმიმდევრული“,-მიმართა არჩილ თალაკვაძემ ოპიზიციას.

ავტორი: ,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი