„მაქვს ასეთი განცდა, რომ თქვენ მღებრიშვილისგან ახალ მინდია ჯანელიძეს და ახალ ჭიკაიძეს ქმნით“,- ასე გამოეხმაურა „ევროპული საქართველოს“ წევრი ირმა ნადირაშვილი სტრუქტურული რეფორმის იმ ნაწილს, რომლის მიხედვითაც,  ხდება უსაფრთხოებისა და კრიზისების მართვის საბჭოს რეორგანიზაცია, მის ბაზაზე ყალიბდება საგანგებო სიტუაციების მართვის სამსახური, რომლის ძირითადი ფუნქციაც იქნება საგანგებო სიტუაციების მართვა ოპერატიულ-ტაქტიკურ დონეზე. ამ სამსახურს კი გიორგი მღებრიშვილი უხელმძღვანელებს.

ნადირაშვილის შეფასებით, შინაგან საქმეთა მინისტრად მუშაობის პერიოდში გიორგი მღებრიშვილმა ბევრი მძიმე შეცდომა დაუშვა.  ნადირაშვილი მიიჩნევს, რომ  „აღნიშნული ცვლილებები ისევე გაუაზრებელია, როგორიც  თავის დროზე კრიზისების მართვის საბჭოს შექმნა იყო“.

„82 მილიონი გამოყავით და შექმენით ამ ადამიანისთვის ახალი სამსახური. არვიცი, ჭიკაიძე, ზედელაშვილი, ჯანელიძე ახლა უკვე მასთან გადაინაცვლებენ, თუ როგორ გააგრძელებენ თავიანთ პოლიტიკურ კარიერას. მღებრიშვილმა დაუშვა არაერთი მძიმე შეცდომა და შეგახსენებთ, თუნდაც  აზერბაიჯანელი ჟურნალისტის საქმეს, როდესაც ის თბილისის ცენტრიდან გაქრა და აღმოჩნდა აზერბაიჯანში. ამ კითხვებზე პასუხი არ მიგვიღია. მაგალითად, როდესაც ის სატელეფონო ხულიგნების მსხვერპლი გახდა, რაც იცოდა მოუყვა და პრემიერთან კონსულტაციის შემდეგ უკან გადაურეკა და თუ რამე გამორჩა ის დაამატა. მღებრიშვილი ჩემი გადმოსახედიდან მაოხრებელი მკვდარია.  როდესაც იწ წავიდა, ამ დროს ჩატაევი, როგორც ირკვევა, უკვე შემოსული იყო ქვეყანაში და შს მ ყოფილ მინისტრს ამაზე არც ერთი განცხადება  არ გაუკეთებია.როგორც ჩანს,  ის საქმის  კურსში ამის თაობაზე არ იყო.ვფიქრობ, ეს ცვლილებები ისევე გაუაზრებელია, როგორც იყო თავის დროზე კრიზისების მართვის საბჭოს შექმნა“,-აღნიშნა ირმა ნადირაშვილმა.

ავტორი: ,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი