„დაჭრილი მოზარდი საავადმყოფოში სადისტური დაზიანებებით შემოიყვანეს, ვერ ვმალავ აღშფოთებას“,-ამის შესახებ რესპუბლიკური საავადმყოფოს გენერალურმა დირექტორმა, ექიმმა ავთანდილ იმედაძემ TV- პირველს განუცხადა.

ექიმის ინფორმაციით, მოზარდს დაზიანებები გულმკერდის და მუცლის  არეში  ბლაგვი საგნით აქვს მიყენებული.

„პაციენტი 16 წლის არის. კლინიკაში სადისტური დაზიანებებით შემოიყვანეს, ვერ ვმალავ აღშფოთებას.  დაზიანებები აქვს გულ-მკერდის და მუცლის არეში,  დაზიანებული არის მაგისტრალური სისხლძარღვი, კერძოდ ბარძაყის არტერია, პრაქტიკულად ნოლი წნევით შევიყვანეთ  საოპერაციოში. გულის გაჩერების მომენტი იყო,  რაც ამ ეტაპზე აღდგენილია.

სრული პასუხისმგებლობით, მინდა გითხრათ, რომ მიმდინარეობს ბრძოლა, მთელი სამედიცინო პერსონალი  იბრძვის პაციენტის გადასარჩენად. ბოლო ხუთი წუთის მონაცემებით, მინდა გითხრათ რომ სტაბილიზაციას მივაღწიეთ. ძალიან დიდი  შანსია, რომ გადარჩეს, მაგრამ კიდევ ერთხელ ვამბობ უმძიმესი მდგომარეობაა“,-განაცხადა ექიმმა და დასძინა, რომ მოზარდს ყველა ჭრილობა ბლაგვი საგნით აქვს მიყენებული.

შეგახსენებთ, თბილისში, ხორავას ქუჩაზე 2 მოსწავლე დაჭრეს. ერთ-ერთი საავადმყოფოში მიყვანამდე გარდაიცვალა. მომხდარზე გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.

ავტორი: ,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის