"კონფრონტაციის პოლიტიკა, რამაც შეიძლება შეუქცევად დაძაბულობას ხელი შეუწყოს, პრაქტიკულად აღარ არსებობს",-ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა პაატა ზაქარეიშვილმა იურიდიულ საკითხთა, ადამიანის უფლებათა დაცვისა და სამოქალაქო ინტეგრაციის, თავდაცვისა და უშიშროებისა და საპროცედურო საკითხთა და წესების კომიტეტების გაერთიანებულ სხდომაზე, კითხვებზე პასუხის გაცემის დროს განაცხადა.

მისივე თქმით, შექმნილ პოლიტიკური ვითარებაში მთავარი ყურადღება  რუსეთის საოკუპაციო პოლიტიკისა და ანექსიის მიმართულებით, საერთაშორისო საზოგადოების  მობილიზებას ექცევა.

„აქტიური გამოწვევის ფონზე, რომელსაც ჩვენს გარშემო ვხედავთ, განსაკუთრებით ყურადღება, რუსეთის საოკუპაციო პოლიტიკისა და ანექსიის მიმართულებით, საერთაშორისო საზოგადოების მობილიზებას ექცევა. თამამად შეიძლება ითქვას, რომ ამ მიმართულებით გარკვეული შედეგები გვაქვს. ჩვენი საქმიანობის შედეგად, მოისპო და კონფრონტაციის პოლიტიკა, რამაც შეიძლება შეუქცევად დაძაბულობას ხელი შეუწყოს, პრაქტიკულად აღარ არსებობს. თუმცა, ეს ტაქტიკური მუდმივი პოლიტიკაა, რადგან რუსეთის მხრიდან გამოწვევები ყოველდღე არსებობს და ამ მიმართულებით, შესაბამისად ყოველდღიური ყურადღებაა საჭირო",-განაცხადა პაატა ზაქარეიშვილმა.

დეპუტატ ზაქარია ქუცნაშვილის კითხვაზე- თუ არის აფხაზებთან და ოსებთან პირდაპირი დიალოგის წარმოების სერიოზული  წინაპირობები, ზაქარეიშვილმა აღნიშნა, რომ პირდაპირი დიალოგის კუთხით, აფხაზეთის საოკუპაციო რეჟიმთან სერიოზული მიღწევებია, რადგან ისინი, ყველაფრის მიუხედავად, სცდილობენ, შედარებით დამოუკიდებლები იყვნენ.

"თუმცა ცხინვალის დე-ფაქტო ხელისუფლებასთან ეს ვერ ხერხდება, რადგან ის მთლიანად კრემლის მხრიდან იმართება",-განაცხადა პაატა ზაქარეიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times