საქართველოს პარლამენტის თავმჯდომარის განცხადებით, შესაძლოა, პარლამენტმა მთავრობის სტრუქტურულ რეორგანიზაციასთან დაკავშირებული საკანონმდებლო პაკეტი სამი მოსმენით მიმდინარე სასესიო კვირაში ვერ მიიღოს.

„ამ შემთხვევაში, საკითხის ინიცირება არის მთავრობის ექსკლუზიური პრეროგატივა. შესაბამისად,  მთავრობაში რეორგანიზაციის თაობაზე პაკეტი შემოვიდა მთავრობის ინიციატივით. ჩვენ განვიხილავთ ამ კანონპროექტების პაკეტს. განიხილება ჯერ კომიტეტების დონეზე, შემდეგ უკვე პლენარული სხდომის ფორმატში, სავარაუდოდ, ჩვენ კვირის ბოლომდე გაგვიჭირდება სამი მოსმენით ამ პაკეტის მიღება. დაჩქარებულ წესზე იყო მოთხოვნა, რაზეც ჩვენ დავთანხმდით, თუმცა, ამის მიუხედავად, არის ასზე მეტი კანონპროექტი, შესაბამისად, ვვარაუდობ რომ ამ ერთი პლენარული სხდომების კვირის განმავლობაში ვერ მოესწრება სამი მოსმენით კანონპროექტების პაკეტის მიღება. შესაბამისად, ამის შემდგომ გაგრძელდება განხილვა",- განაცხადა ირაკლი კობახიძემ.

პარლამენტის თავმჯდომარემ უპასუხა ოპოზიციის განცხადებებსაც იმის თაობაზე, რომ მთავრობის სტრუქტურული რეორგანიზაცია მხოლოდ ფასადური ცვლილებებია.

„მთავრობის რეორგანიზაციას შეიძლება ჰქონდეს ორი მიზანი - ერთი არის ხარჯების ოპტიმიზაცია და მეორე არის თვითონ მართვის სისტემის რაციონალიზაცია და სწორედ ეს იყო არსი, ეს იყო მიზანი ამ ცვლილებების. ჩვენ ვფიქრობთ, რომ ეს მიზანი მიიღწევა ამ ცვლილებებით, თუმცა, რა თქმა უნდა, იწყება საკომიტეტო განხილვები, დაიწყება პლენარულ სხდომებზე ამ საკითხის განხილვა და იქ ჩამოყალიბდება პარლამენტის საბოლოო პოზიცია რეორგანიზაციის შინაარსთან დაკავშირებით",- განაცხადა ირაკლი კობახიძემ.

ჟურნალისტებთან საუბრისას, ირაკლი კობახიძემ დაადასტურა, რომ გარემოსა და ბუნებრივი რესურსების დაცვის სამინისტროს გაუქმებასთან დაკავშირებით მმართველ გუნდში აზრთა სხვადასხვაობა იყო. მისი განცხადებით, მთავრობის რეორგანიზაციის საბოლოო მოდელზე შეჯერება პარლამენტსა და მთავრობას შორის კონსულტაციების საფუძველზე მოხდება.

„აზრთა სხვადასხვაობა ნამდვილად იყო გუნდში გარემოს დაცვის სამინისტროსთან დაკავშირებით. ინიცირებული არის კანონპროექტი, განხილვა დაიწყო და გაგრძელდება. ეს განხილვა წარიმართება, რა თქმა უნდა, პარლამენტისა და მთავრობის კონსულტაციების ფორმატში და ამ კონსულტაციების საფუძველზე ჩამოყალიბდება საბოლოოდ მოდელი მთავრობის რეორგანიზაციის. შესაბამისად, ყველა საკითხზე იქნება დისკუსია, მსჯელობა და მთავრობასთან ერთად უნდა შევჯერდეთ საბოლოო გადაწყვეტილებაზე",- განაცხადა პარლამენტის თავმჯდომარემ.

ავტორი: ,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო