უკრაინაში საქართველოს ელჩის გელა დუმბაძის განცხადებით, ქვეყნიდან საქართველოს მოქალაქეების გამოძევების საკითხი უკრაინის შიდა საქმიანობაა.

როგორც დუმბაძემ ტელეკომპანია "რუსთავი 2"-ის ეთერში აღნიშნა, კიევში საქართველოს საელჩო მსგავს ფაქტებთან დაკავშირებით მყისიერ რეაგირებას ახდენს.

ამასთან, ელჩი გამორიცხავს იმ გარემოებას, რომ საქართველოს მოქალაქეები ყოფილ პრეზიდენტთან, მიხეილ სააკაშვილთან კავშირის გამო გააძევეს.

„უკრაინის მხარემ ოფიციალურად განაცხადა, რომ ამ მოქალაქეების საქმიანობა, უკრაინის უსაფრთხოების ეროვნულ ინტერესებს ეწინააღმდეგებოდა და ამით აიხსნა ინფორმაციის ნაკლებობა. საელჩოს უწყვეტი კომუნიკაცია ჰქონდა როგორც საგარეო საქმეთა სამინისტროსთან ასევე უშიშროების საიმიგრაციო სამსახურებთან. მინდა გითხრათ, რომ ცალკე ამ საკითხთან დაკავშირებით გაიგზავნა ნოტა უკრაინის საგარეო საქმეთა სამინისტროში. ხვალ პრემიერ-მინისტრის ვლადიმერ გროისმანის დავალებით, შედგება ჩემი შეხვედრა ქვეყნის საიმიგრაციო სამსახურის უფროსთან, სადაც ეს საკითხები იქნება განხილული. ასევე ცალკე თემად დავაყენებთ, საელჩოს დროულ ინფორმირებას მსგავს შემთხვევებთან დაკავშირებით. ყველა ქვეყანას აქვს უფლება სხვადასხვა ფორმით გამოხატოს თავისი გადაწყვეტილება. ეს არის უკრაინის შიდა საქმიანობა. როდესაც საუბარი არის ფორმულირებაზე, კონკრეტულად იმის ხაზგასმას, რომ ეს პიროვნებები იყვნენ რაიმე კავშირში საქართველოს ყოფილ პრეზიდენტთან ან მის პოლიტიკურ საქმიანობასთან, ამას მოცემულ ეტაპზე ადგილი არ აქვს", - განაცხადა გელა დუმბაძემ.

ავტორი: ,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის