პარლამენტის თავმჯდომარის პირველი მოადგილე თამარ ჩუგოშვილი, საქართველოში სამუშაო ვიზიტად მყოფ, ევროპის საბჭოს საპარლამენტო ასამბლეის მონიტორინგის კომიტეტის წევრებს კერსტინ ლუნდგრენს და ტიტუს კორლეტანს შეხვდა.

როგორც აღინიშნა, შეხვედრაზე მონიტორინგის კომიტეტის წევრები საკონსტიტუციო რეფორმით დაინტერესდნენ.

ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციის ხელმძღვანელმა თამარ ჩუგოშვილმა საპარლამენტო ასამბლეის მომხსენებლებს საკონსტიტუციო რეფორმასთან და ახლად ინიცირებულ ცვლილებებთან დაკავშირებით ინფორმაცია მიაწოდა.

„შეხვედრაზე საპარლამენტო ასამბლეის მომხსენებლები დაინტერესდნენ ვენეციის კომისიის რეკომენდაციების თუ რა ნაწილი დაფარა საკონსტიტუციო რეფორმამ და ასევე იმ  ინიცირებულმა ცვლილებებმა, რომლებსაც დეკემბერში ეყრება კენჭი. ვენეციის კომისიაც ევროპის საბჭოს ერთ-ერთ ორგანოს წარმოადგენს და შესაბამისად, ევროპელი სტუმრები საკონსტიტუციო ცვლილებებთან დაკავშირებით სრულად არიან ინფორმირებულები", - განაცხადა შეხვედრის დასრულების შემდეგ თამარ ჩუგოშვილმა.

ევროსაბჭოს საპარლამენტო ასამბლეის მონიტორები, სამუშაო ვიზიტის ფარგლებში, საქართველოს პრეზიდენტს, პოლიტიკური პარტიების და აღმასრულებელი ხელისუფლების წარმომადგენლებს, სახალხო დამცველს და საზოგადოებრივი მაუწყებლის გენერალურ დირექტორს შეხვდებიან.

ავტორი: ,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო