„საქართველო რეფორმების კარგი შემსრულებელია და ის რეგიონის მაგალითია, თუ როგორ  უნდა გაკეთდეს ბევრი რაღაც“, - ამის შესახებ ევროპის რეკონსტრუქციისა და განვითარების ბანკის დირექტორმა სამხრეთ კავკასიაში, მოლდოვასა და ბელორუსში ბრუნო ბალვანერამ EBRD-ის ყოველწლიური შეხვედრისა და ბიზნესფორუმის ორგანიზების უზრუნველმყოფი სამთავრობო კომისიის სხდომაზე განაცხადა.

ბალვანერას განცხადებით, საქართველოს ყველა პირობა აქვს, რომ EBRD-ის ყოველწლიურ ღონისძიებას უმასპინძლოს.

„ორი წლის დავიწყეთ საუბარი იმაზე, რომ  EBRD-ის ყოველწლიური შეხვედრა საქართველოში ჩატარებულიყო. ახლა შეგვიძლია ვთქვათ, რომ საქართველოს ყველა პირობა აქვს იმისათვის, რომ ჩვენ გვიმასპინძლოს. საქართველო რეფორმების კარგი შემსრუებელია და ის რეგიონის მაგალითია, თუ როგორ  უნდა გაკეთდეს ბევრი რაღაც“, - განაცხადა ბრუნო ბალვანერამ.

სამხრეთ კავკასიაში EBRD-ის დირექტორის თქმითვე, დაგეგმილი ღონისძიება საქართველოსათვის ახალი საფეხური იქნება, რომ საერთაშორისო ინვესტორები მოიზიდოს.

შეგახსენებთ, თბილისში EBRD-ის  ყოველწლიური შეხვედრა 13-15 მაისს გაიმართება და მის ფარგლებში, 60-ზე მეტი ქვეყნის სამთავრობო დელეგაცია და 1500-მდე ბიზნესმენი ჩამოვა. ღონისძიების ფარგლებში საქართველოს ევროპის რეკონსტრუქციისა და განვითარების ბანკის პრეზიდენტი, სერ სუმა ჩაკრაბარტიც ეწვევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times