გიორგი მარგველაშვილი: კარგი შესაძლებლობა გვაქვს, შექმნილი ეკონომიკური ვითარებიდან ამოვხტეთ

2015-05-06 14:37:00, 430 ნახვა

პოლიტიკა

საქართველოს პრეზიდენტ გიორგი მარგველაშვილის განცხადებით, საქართველოს რთული ეკონომიკური მდგომარეობიდან გამოსვლის შესაძლებლობა აქვს.

როგორც მარგველაშვილმა თემის კომემტირებისას ჟურნალისტებს განუცხადა, ქვეყანაში ბევრი მიშვნელოვანი პროექტი ხორციელდება, რამაც ეკონომიკური განვითარება უნდა უზრუნველყოს.

,,5%-იანი ეკონომიკური ზრდა მართლაც კარგია, რაც გვქონდა შარშან. მილიარდ ორასი მილიონიანი ინვესტიცია ძალიან კარგი და საინტერესოა. შარშან სრულიად ახალი ბერკეტი მოგვეცა, ეს არის ევროპასთან თავისუფალი ვაჭრობის შესაძლებლობა. რეიტინგებში ძალიან კარგ დონეს ვინარჩუნებთ. ცოტა ხანში რკინიგზის მშენებლობა დამთავრდება, რომელიც თურქეთთან შეგვაერთებს. ასევე, იწყება ახალი გლობალური პროექტები. ანუ, რეალუად ერთ-ერთი ყველაზე კარგი შესაძლებლობა გვაქვს, ამ ეკონომიკური ვითარებიდან მართლა ამოვხტეთ, კი არ ამოვძვრეთ, ამოვხტეთ“,- განაცხადა გიორგი მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან