პარლამენტის თავმჯდომარემ, სახელმწიფო საკონსტიტუციო კომისიის ხელმძღვანელმა ირაკლი კობახიძემ, კონსტიტუციის გადასინჯვის პროექტის საყოველთაო სახალხო განხილვისას, მოქალაქის კითხვაზე საპასუხოდ განმარტა, თუ რა იგულისხმება მოსამართლის უვადოდ დანიშვნაში - მისი გამწესება სიცოცხლის ბოლომდე, თუ საპენსიო ასაკამდე.

კობახიძის თქმით, უვადოდ დანიშვნა არა სიცოცხლის ბოლომდე, არამედ კანონით დადგენილ ასაკამდე მუშაობას გულისხმობს:

"იგულისხმება კანონით დადგენილი ასაკის მიღწევამდე. შეიძლება იყოს განსაზღვრული შესაბამისი საპენსიო ასაკი კანონის დონეზე",-აღნიშნა ირაკლი კობახიძემ.

კიდევ ერთი შეკითხვა ეხებოდა იმას, თუ რატომ ირჩევა უზენაესი სასამართლოს თავმჯდომარე 10 წლით მაშინ, როდესაც უზენაესი სასამართლოს რიგითი მოსამართლე უვადოდ ინიშნება.

კობახიძის განმარტებით, უზენაესი სასამართლოს თავმჯდომარის 10 წლით არჩევა ხდება იმ მიზნით, რომ  არ ჩაიკეტოს სასამართლო სისტემა და ერთმმართველობის ნიშნები არ გაჩნდეს.

ავტორი: ,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის