სოფლის მეურნეობის მინისტრ ლევან დავითაშვილს, ამ ეტაპზე უჭირს საუბარი, თუ რა რაოდენობის ადმინისტრაციული ხარჯები შეიკვეცება და ვის შეეხება ოპტიმიზაცია.

მისი თქმით, სტრუქტურული ცვლილებების მთავარი მიზანი, მმართველობის ხარისხის გაუმჯობესებაა:

„მას შემდეგ, რაც ჩვენი უფლებამოსილებები იქნება პარლამენტის მიერ ცნობილი, დავიწყებთ რეორგანიზაციას, ამ ეტაპზე ვერ მოგახსენებთ ვერც თანხების ოპტიმიზაციის შესახებ, ვერც იმის შესახებ, ვინ იქნება, ვინ დარჩება. მმართველობითი რეფორმა, რომელზეც გვქონდა აქცენტი, გულისხმობს მმართველობის ხარისხის გაუმჯობესებას, ეს არის უმთავრესი ამოცანა, როდესაც საუბარია სტრუქტურულ ცვლილებებზე.

 გაერთიანებული მენეჯმენტის პირობებში იქნება ყველა იმ სტრუქტურის გაძლიერება, რომელიც მოქცეულია ამ ორ სამინისტროში. აბსოლუტურად უაზროა ის წუხილი, რომ ამ გაერთიანებით შესაძლოა რომელიმეს რამე დააკლდეს, პირიქით. ძლიერი სამინისტროს პირობებში, ის ფუნქციები, რომელიც ცალ-ცალკე ჰქონდა სამინისტროებს, უფრო ეფექტიანად შესრულდება", - განაცხადა დავითაშვილმა.

შეგახსენებთ, ცვლილებების თანახმად, გარემოს დაცვის სამინისტროს უერთდება სოფლის მეურნეობის სამინისტრო და გარემოსა დაცვისა და სოფლის მეურნეობის მინისტრის პოსტს ლევან დავითაშვილი დაიკავებს.

ავტორი: ,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის