ირაკლი კობახიძე: სავარაუდოდ, მთავრობისთვის ნდობის ხელახალი გამოცხადება საჭირო გახდება

2017-11-12 17:30:45, 2075 ნახვა

პოლიტიკა

მმართველი გუნდი მინისტრთა კაბინეტში მოსალოდნელ ცვლილებებს ადასტურებს, თუცმა ჯერჯერობით უცნობია, რამდენ მინისტრს შეეხება ცვლილება და რა სახის იქნება ის.

აღნიშნულთან დაკავშირებით განცხადებას ხვალ პრემიერ-მინისტრი გააკეთებს.

ირაკლი კობახიძე ვარაუდობს, რომ ხელახალი ნდობის გამოცხადება მთავრობისთვის საჭირო გახდება.

მთავრობის შემადგენლობისთვის ხელახალი ნდობის გამოცხადება კი იმ შემთხვევაში ხდება, თუ ცვლილება 7 მინისტრს-ანუ, მინისტრთა კაბინეტის ერთ მესამედს ეხება.

„თუ მესამედით იცვლება მთავრობის შემადგენლობა, ამ შემთხვევაში არის საჭირო ნდობის ხელახლა გამოცხადება. სავარაუდოდ, ხელახალი ნდობის გამოცხადება მთავრობისთვის საჭირო გახდება, თუმცა ეს ყველაფერი დაზუსტდება დღეს კონსულტაციების საფუძველზე“,-განაცხადა ირაკლი კობახიძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები