ყაზახეთში მიმდინარე „OECD ევრაზიის კვირეულის“ ფარგლებში, საქართველოს პირველი ვიცე-პრემიერი, ფინანსთა მინისტრი დიმიტრი ქუმსიშვილი უზბეკეთის ვიცე-პრემიერს, ნოდირ ოტაჟონოვს შეხვდა.

ფინანსთა სამინისტროს ინფორმაციით, მხარეებმა განიხილეს ორმხრივი თანამშრომლობის ძირითადი მიმართულებები, მათ შორის, ვაჭრობის, ტურიზმის, ტრანსპორტისა და სხვა კუთხით. აღინიშნა ის დიდი პოტენციალი, რომელიც არსებობს ქვეყნებს შორის ორმხრივი სავაჭრო-ეკონომიკური ურთიერთობების განვითარების მიმართულებით.

ასევე ყურადღება გამახვილდა თანამშრომლობაზე რეგიონული მნიშვნელობის პროექტების ფარგლებში. კერძოდ, უზბეკურმა მხარემ გამოთქვა ინტერესი ბაქო-თბილისი-ყარსის რკინიგზით უზბეკური ტვირთების გადაზიდვასთან დაკავშირებით. ასევე ყურადღება გამახვილდა ქვეყნებს შორის თანამშრომლობაზე სატრანზიტო მიმართულების განვითარების კუთხით.

შეხვედრის დასასრულს, გამოითქვა დიდი ინტერესი, რათა თანამშრომლობა საქართველოსა და უზბეკეთს შორის კიდევ უფრო გაღრმავდეს და ინტენსიური გახდეს.

(NS)

ავტორი: ,

სოციალური ქსელები

ისარგებლე ყოველდღე ქეშბექ შეთავაზებებით საქართველოს ბანკის SUPER ნაკრების ფარგლებში

პენიტენციური სამსახურის უფროსად რამაზ თათარაშვილი დაინიშნა

პროკურატურის რეკომენდაციის შემდეგ, გიორგი პატარიძემ პენიტენციურის უფროსის პოსტი დატოვა

საქართველოში კაკლის გადამამუშავებელი უმსხვილესი საწარმოს მშენებლობა წელს დასრულდება