2017-09-27 14:19:25, 2335 ნახვა

---

ქაბულში მომხდარი აფეთქების ორგანიზატორებს, პენტაგონის ხელმძღვანელის ჯეიმს მეტისის მოკვლა სურდათ

ტერორისტული დაჯგუფება „თალიბანის“ სამიზნე, ქაბულში ვიზიტით მყოფი პენტაგონის ხელმძღვანელი ჯეიმს მეტი იყო, - ამის შესახებ Tolo News იუწყება.

მედია საშუალების ინფორმაციით, ქაბულის საერთაშორისო აეროპორტთან ახლოს სარაკეტო დარტყმები განხორციელდა. აფეთქების შემდეგ, თალიბანმა მომხდარზე პასუხისმგებლობა აიღო. ტერორისტებმა განაცხადეს, რომ მათ ჯეიმს მეტისის მოკვლა სურდათ.

აღსანიშნავია, რომ ამ დრომდე დაშავებულთა ან დაღუპულთა შესახებ ინფორმაცია არ გავრცელებულა.

მედიის ცნობით, დაბომბვის შემდეგ აეროპორტის ადმინისტრაციამ ყველა რეისი გააუქმა და მგზავრთა ევაკუაცია განახორციელა.

ცნობისთვის, ჯეიმს მეტისი და ნატოს გენერალური მდივანი იენს სტოლტენბერგი ქაბულში ქვეყნის ხელისუფლებასთან მოლაპარაკებების გამართვის მიზნით ჩავიდნენ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი