2017 წლის CSR კვირეული არაფორმალურ გარემოში დისკუსიით გაიხსნება. პირველი ღონისძიება თემაზე "ბიზნესის პარტნიორობა გენდერული თანასწორობის შესახებ", დღეს 14:00 საათზე, ჯეპრას კომპეტენციის ცენტრში (მ.ალექსიძის #3) გაიმართება.

შეხვედრაზე განიხილება ბიზნეს სექტორის აქტიურობა ქალთა გაძლიერების თემაზე, მათ სამუშაო ადგილზე და საზოგადოებაში. გენდერული თანასწორობის ხელშეწყობა და ქალთა გაძლიერება არის მდგრადი განვითარების მიზნების ერთ-ერთი ძირითადი მიმართულება, რომელსაც მსოფლიომ 2030 წლამდე უნდა მიაღწიოს.

ღონისძიების ფარგლებში, ქალთა გაძლიერების სამუშაო ჯგუფის წევრი ორგანიზაციები, დამსწრეებს თავიანთ გამოცდილებას გაუზიარებენ, თუ როგორ შეამცირონ სამუშაო ადგილზე დისკრიმინაცია და გააძლიერონ ქალები. ბიზნესებს ექნებათ საშუალება წარმოადგინონ თავიანთი იდეები პარტნიორობასთან დაკავშირებით, მდგრადი განვითარების მე-5 მიზნის გარშემო.

CSR კვირეულის ფარგლებში, რომელიც წელს 26-29 სექტემბერს გაიმართება, კორპორაციული სოციალური პასუხისმგებლობის კლუბის ორგანიზებით, შემდეგი ღონისძიებები ჩატარდება.

წევრი ორგანიზაციების ერთობლივი აქტივობა სოციალურ ქსელში.

მასტერკლასი ინკლუზიური ბიზნეს გარემოს შექმნის თაობაზე.

სემინარი მდგრადი განვითარების მიზნების იმპლემენტაციასა და ბიზნესის როლზე ამ პროცესში.

წევრების საერთო კრება მიმდინარე და სამომავლო აქტუალურ საკითხებზე.

(NS)

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში