2017-09-18 18:34:44, 2376 ნახვა

---

ლვოვის სასამართლომ დავით საყვარელიძის წინააღმდეგ წაყენებული ბრალდებები საფუძვლიანად მიიჩნია

ლვოვის საოლქო სასამართლომ უკრაინის მთავარი პროკურორის ყოფილი მოადგილის დავით საყვარელიძის წინააღმდეგ წაყენებული ბრალდებები საფუძვლიანად მიიჩნია, - ამის შესახებ 112.UA სასამართლოს პრესსამსახურზე დაყრდნობით იუწყება.

როგორც სასამართლოში აცხადებენ, წარდგენილი მტკიცებულებები დასაშვებად სცნეს.

”წარმოდგენილი მტკიცებულებების განხილვისა და შეფასების შემდეგ, სასამართლომ, დაცვის მხარის არგუმენტები არ გაითვალისწინა, მტკიცებულებები კი დასაშვებად სცნო. აღნიშნული მტკიცებულებები საკმარისია იმისთვის, რომ დავით საყვარელიძის მიმართ წაყენებული ბრალდებები სასამართლომ საფუძვლიანად მიიჩნიოს”, - ნათქვამია განცხადებაში.

ცნობისთვის, ქალაქ ლვოვის გალიცკის რაიონულმა სასამართლომ, უკრაინის მთავარი პროკურორის ყოფილი მოადგილის, პარტია "ახალი ძალების მოძრაობის" წევრს, დავით საყვარელიძეს აღკვეთის ღონისძიება არ დაუწესა. მას თავდებში რადას რამდენიმე დეპუტატი დაუდგა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი