ლონდონის მერი სადიკ ხანი დედაქალაქის მეტროში მომხდარ აფეთქებას გამოეხმაურა.

ხანის თქმით, ლონდონი ტერორს არ შეუშინდება. ლონდონის მერმა ტერაქტი დაგმო და მოსახლეობას მოუწოდა მშვიდობისკენ.  

"პოლიციამ დაადასტურა, რომ დღეს დილით „პარსონს გრინის“ სადგურზე მატარებელში მომხდარი აფეთქება ტერორისტული აქტი იყო. ჩვენი ქალაქი კატეგორიულად გმობს იმ საშინელ ადამიანებს, რომლებიც ტერორს მიმართავენ, რათა ზიანი მოგვაყენონ და ჩვენი ცხოვრების წესი მოსპონ. ლონდონმა არაერთხელ დაამტკიცა, რომ ტერორისტები არ შეგვაშინებენ. მჭიდრო კავშირში მაქვს მეტროპოლიტენის პოლიციასთან, ლონდონის სატრანსპორტო სამსახურთან, მთავრობასთან და სხვა სამსახურებთან, რომლებიც ადგილზე მუშაობენ და შემთხვევას იძიებენ. დავესწრები „კობრას“ საგანგებო სხდომას, რომელსაც პრემიერ-მინისტრი გამართავს. მსურს მადლობა გადავუხადო ჩვენს სპეციალისტებს ლონდონის სატრანსპორტო სამსახურიდან, რომლებიც ადგილზე პირველები მივიდნენ. მოვუწოდებ ყველა ლონდონელს, შეინარჩუნონ მშვიდობა და ინფორმაციის მისაღებად ლონდონის სატრანსპორტო სამსახურის საიტს მიმართონ", - განაცხადა ლონდონის მერმა. 

ავტორი: ,

სოციალური ქსელები

ავტობანზე ავარიისას 2 ადამიანი დაშავდა

პენიტენციური სამსახური -სინამდვილეს არ შეესაბამება თითქოს გიორგი ფეიქრიშვილი დეესკალაციის ოთახში იმყოფება და ჭრილობებიდან სისხლდენა აღენიშნება

ჟურნალისტური ეთიკის ქარტია პროკურატურას მიმართავს გასაჯაროვდეს ასავალ-დასავალის ჟურნალისტის საქმის მტკიცებულებები

პლენუმმა კონსულტაციისთვის პარტიებზე სარჩელის სტრასბურგში გაგზავნაზე უარი თქვა