„ბიზნესთან სათქმელი ყოველთვის ბევრი გვაქვს,  ეს სათქმელი არის ორმხრივი და ჩვენ ერთობლივად განვიხილეთ  ის რეფორმები,  რომელსაც ეკონომიკის სამინისტრო ამზადებს და ახორციელებს“ - ამის შესახებ საქართველოს ეკონომიკისა და მდგრადი განვითარების მინისტრმა გიორგი გახარიამ დღეს ბიზნესასოციაციებთან გამართული შეხვედრის დასრულების შემდეგ განაცხადა.

მინისტრის თქმით, ეკონომიკის სამინისტრო ყოველთვის აქტიურად თანამშრომლობს ბიზნესთან და ეს იყო ჩვეულებრივი, ძალიან ნაყოფიერი რიგითი შეხვედრა.

„ბევრ საკითზე ვისაუბრეთ, მათ შორის ბიზნესის წარმომადგენლებმა აღნიშნეს EBRD-ის  პრეზიდენტის მიერ გაჟღერებული მნიშვნელოვანი მესიჯები, დღეს ასევე   სავალუტო ფონდის მისიის მუშაობაც დაიწყო  და ესეც ალბათ პოზიტიური შედეგებით  დამთავრდება.იმ რეფორმების და საკანონმდებლო ცვლილებების  წარმატება, რომელსაც ჩვენ ვახორციელებთ, რა თქმა უნდა, პირდაპირ არის დაკავშირებული ბიზნესის ამ ცვლილებებში ჩართვით და ჩვენ ამ მიმართულებით ყოველთვის ვთანამშრომლობთ. დღეს განვიხილეთ საპენსიო რეფორმა, კაპიტალის ბაზრის რეფორმა,  ფოსტის კანონის ცვლილება და სხვა ძალიან მნიშვნელოვანი საკითხები“ - აღნიშნა გიორგი გახარიამ.

(NS)

ავტორი: ,

სოციალური ქსელები

თაღლითურად დაეუფლნენ სახელმწიფოს ₾1 025 719-ის მიწის ნაკვეთებს – 13 პირს ბრალი წარედგინა

საქართველოს ბანკთან პარტნიორობით მცხეთაში მულტიფუნქციური ტურისტული და საცხოვრებელი კომპლექსი შენდება

ვენესუელის ოპოზიციის ლიდერი მარია კორინა მაჩადო ვენესუელაში დაბრუნდა

ვორონეჟში, დრონების თავდასხმის შედეგად ორი ადამიანი დაიღუპა და სულ მცირე 17 დაშავდა