სომხეთის თავდაცვის სამინისტროს განცხადებით,  საქართველოში მიმდინარე წვრთნებში  "Agile Spirit 2017"  მონაწილეობის შესახებ ოფიციალური განცხადება არასდროს გაუკეთებიათ.

"ვერ გეტყვით, რატომ მოხვდა სომხეთი წვრთნების მონაწილე ქვეყნების ნუსხაში. სომხეთს არასდროს უთქვამს, რომ ამ წვრთნებში მიიღებდა მონაწილეობას", - აღნიშნა ზაკარიანმა.

მანამდე მედიაში გავრცელდა ინფორმაცია, რომ საქართველოში დაგეგმილ Agile Spirit 2017-ში სომხეთს უნდა მიეღო მონაწილეობა, თუმცა ის წვრთნების დაწყების დღეს არ გამოცხადდა.

საქართველოს თავდაცვის სამინისტროს პრეს-სამსახურის ცნობით, სომხეთმა წვრთნებში მონაწილეობაზე უარი ბოლო წუთს თქვა, თუმცა, როგორც უწყებაში აღნიშნავენ, მანამდე აცხადებდა, რომ Agile Spirit 2017-ში მონაწილეობს მიიღებდა.

ამასთან, არტაკ ზაკარიანის თქმით, "ყველა ქმედება შესაძლოა თავიდან იქნას განხილული". მანვე დასძინა, რომ სომხეთის გადაწყვეტილება არ მიიღოს მონაწილეობა წვრთნებში, არ არის განპირობებული აზერბაიჯანის მონაწილეობით ან რომელიმე სხვა ქვეყნის ზეწოლით.

სომხეთის თავდაცვის მინისტრის მოადგილის განცხადებას "რია-ნოვოსტი" ავრცელებს.

ავტორი: ,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე