ე.წ. ციანიდის საქმეზე დღეს დასკვნითი სხდომა გაიმართება.

სხდომაზე ბრალდებული, დეკანოზი გიორგი მამალაძე საბოლოო სიტყვით წარდგება, რის შემდეგაც მოსამართლე განაჩენის გამოსატანად გავა.

ადვოკატების განცხადებით, ბრალდების მხარის მტკიცებულებები აბსურდულია და დეკანოზის ბრალეულობა არც ერთი მოწმის ჩვენებით არ დასტურდება.

„დღეს დაცვის მხარე წარვდგებით დასკვნითი სიტყვით, შევაჯამებთ სასამართლოს მიმდინარეობას და სასამართლოს მიმდინარეობამდე პროცესს, რომელიც ჯერ კიდევ დაკავებით დაიწყო. დეკანოზი გიორგი მამალაძე საკუთარ საბოლოო სიტყვას იტყვის. ჩვენს მხარეს იმ ოდენობის და ხარისხის უპირატესობაა სამართლებრივად, რომ თუ სასამართლო არავის ზეგავლენის ქვეშ არ მოექცევა და იქნება ობიექტური, გამამართლებელი განაჩენი აუცილებლად დადგება“, - განაცხადა ადვოკატმა გიორგი ფანცულაიამ.

შეგახსენებთ, გამოძიების ინფორმაციით, ბრალდებული მამა გიორგი მამალაძე პატრიარქის მდივან-რეფერენტის შორენა თეთრუაშვილის განზრახ მკვლელობას ამზადებდა ანგარებით, თანამდებობრივი მდგომარეობის და მატერიალური სარგებლის შენარჩუნების მოტივით.

მათივე ცნობით, მიღებული ქიმიური, ტოქსიკოლოგიური და სამედიცინო ექსპერტიზის დასკვნებით დადგინდა, რომ ბრალდებულის ბარგიდან ამოღებული ნივთიერება წარმოადგენს სწრაფი მოქმედების ძლიერ შხამს - ნატრიუმის ციანიდს, რომლის ოდენობა საკმარისი იყო რამდენიმე ადამიანის სიცოცხლის მოსასპობად.

აქედან გამომდინარე, საქმე სასამართლოში წარიმართა სსკ-ის 18, 109-ე მუხლის მე-3 ნაწილის „გ“ ქვეპუნქტით (განზრახ მკვლელობის მომზადება ანგარებით), რაც  სასჯელის სახედ და ზომად 16-დან 20 წლამდე  თავისუფლების აღკვეთას ითვალისწინებს.

გარდა აღნიშნულისა, გიორგი მამალაძეს ბრალი წარდგენილი აქვს ცეცხლსასროლი იარაღის მართლსაწინააღმდეგო შეძენა-შენახვისთვის, საქართველოს სსკ-ის  236-ე მუხლის მე-2 ნაწილით.

ავტორი: ,

სოციალური ქსელები

სერბეთის საპარლამენტო არჩევნებში მმართველმა პარტიამ ისტორიული მარცხი განიცადა, ვუჩიჩმა სტუდენტებთან დამარცხება აღიარა

საქართველო ივანიშვილის გარეშე დიდი საპროტესტო აქცია თბილისში - ვიდეო

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე