საქართველოს თავდაცვის მინისტრის ლევან იზორიას განცხადებით, რუსეთიდან მომდინარე  საფრთხის პროგნოზირება რთულია.

თუმცა, როგორც იზორიამ ტელეკომპანია „პირველის“ ეთერში განაცხადა, საქართველოს თავდაცვის პოლიტიკის მიზანია, იმ დონეზე გაძლიერება, რომ რუსეთიდან მომდინარე ყველანაირი თავდასხმისა და საფრთხის რისკი შემცირდეს:

„რუსეთის მიერ საქართველოს ტერიტორიის ოკუპაცია არის ფაქტი. ის პროცესი, რაც ე.წ. ბორდერიზაციას უკავშირდება, არის ჩვენი და საერთაშორისო საზოგადოების ძალიან დიდი აღშფოთების საგანი, რასაც ჩვენ  ვგმობთ, გვაქვს ერთობლივი ხედვა ამასთან დაკავშირებით, უნდა მოხდეს ჩვენი რეგიონების დეოკუპაცია მხოლოდ და მხოლოდ მშვიდობიანი გზით. რასაკვირველია, საფრთხის პროგნოზირება რთულია. ეს არა მხოლოდ საქართველოსთან მიმართებაში, არამედ გლობალურ კონტექსტში, რომელიც რუსეთიდან მომდინარეობს, მაგრამ ჩვენი პოლიტიკის და თავდაცვის პოლიტიკის მიზანია, ჩვენი იმ დონეზე გაძლიერება, რომ შევამციროთ ყველანაირი თავდასხმის და საფრთხის რისკი  მომდინარე რუსეთიდან. აქედან გამომდინარე, ჩვენი სიძლიერე არის სწორედ ამ საფრთხეების შემცირების ერთ-ერთი რეალური ბერკეტი, ჩვენი პოლიტიკა სამხედრო სფეროში მიმართულია, ნატოს მიერ განსაზღვრული გლობალური პოლიტიკის ფარგლებში და შეკავების პოლიტიკის ფარგლებში ჩვენი თავდაცვისუნარიანობის გაძლიერებისკენ. ისახავს მიზნად, იმას, რომ  ჩვენი დანაყოფები იყვნენ   დაკომპლექტებული, როგორც ამას ნატო-ს სტანდარტები ისახავს მიზნად, აღჭურვილი ნატო-ს შესაბამისი სამხედრო ტექნიკით, იმყოფებოდნენ მუდმივ წვრთნაში და სამხედრო მომზადების პროცესში მოსალოდნელი, თუ შესაძლო საფრთხეების თავიდან ასაცილებლად“,-აღნიშნა ლევან იზორიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით

პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა

ძლიერი საქართველო: ვულოცავთ მადიარს, უმთავრესი გაკვეთილი ცხადია, ბრძოლა ბოიკოტის მაგიერ