ეროვნულ-დემოკრატიული ინსტიტუტის (NDI) კვლევის თანახმად, გამოკითხულთა  უმრავლესობა, 46% აცხადებს, რომ ხვალ რომ თვითმმართველობის არჩევნები ტარდებოდეს, „ქართული ოცნება“ გაიმარჯვებდა.

მხოლოდ 2% ფიქრობს, რომ „ქართული ოცნება“ მეორე ადგილს დაიკავებდა. გამოკითხულთა 33% აცხადებს, რომ არ იცის, გაიმარჯვებდა თუ არა „ქართული ოცნება“, ასევე გამოკითხულთა 12% ამბობს, რომ არ იცის, დაიკავებდა თუ არა „ქართული ოცნება“ მეორე ადგილს.

გამოკითხულთა 5%-ს სჯერა, რომ ადგილობრივი თვითმმართელობის არჩევნებში „ერთიანი ნაციონალური მოძრაობა“ გაიმარჯვებდა, 23% ამბობს, რომ  მეორე ადგილს დაიკავებდა, „ევროპული საქართველოს“ გამარჯვებაში გამოკითხულთა 2%-ია დარწმუნებული, გამოკითულთა 5% კი მიიჩნევს, რომ აღნიშნული პარტია მეორე ადგილს დაიკავებდა. „პატრიოტთა ალიანსის“ გამარჯვების სჯერა გამოკითხულთა 1%-ს, ხოლო 3% ამბობს, რომ „ალიანსი“ მეორე ადგილს   დაიკავებდა.

NDI-მ და CRRC–საქართველომ დღეს მედიას   საზოგადოებრივი აზრის კვლევის შედეგების მეორე ნაწილი წარუდგინეს.

კვლევის საველე სამუშაოები ჩატარდა 18 ივნისი - 9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2,261 პირისპირ ინტერვიუს წარმომადგენლობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პატრიარქობის კანდიდატის, ფოთისა და ხობის მიტროპოლიტ გრიგოლის პროგრამული ხედვა

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება