დევნილთა საარსებო წყაროებით უზრუნველყოფის სააგენტო, ქვეყნის მასშტაბით, საინფორმაციო კამპანიას იწყებს.   

როგორც ლტოლვილთა და განსახლების სამინისტროს მიერ გავრცელებულ განცხადებაშია აღნიშნული, დევნილი მოსახლეობისთვის საარსებო წყაროების სახელმწიფო პროგრამების შესახებ ინფორმაციას მიწოდების მიზნით, სააგენტო 72 მოხალისეს აიყვანს. 

„ შერჩეულ მოხალისეებს  დევნილთათვის საარსებო წყაროებზე ხელმისაწვდომობის უზრუნველყოფის სტრატეგიის განხორციელების 2016-2017 წლების სამოქმედო გეგმაში ასახული პროგრამების შესახებ ტრენინგი ჩაუტარდებათ. რის შემდეგაც მოხალისეები სამეგრელო-ზემო სვანეთის, შიდა ქართლის, ქვემო ქართლის, მცხეთა-მთიანეთისა და სამცხე-ჯავახეთის რეგიონებში მცხოვრებ 8000-მდე დევნილ ოჯახს პირადად შეხვდებიან  და საარსებო წყაროების სახელმწიფო პროგრამებს  გააცნობენ.

საინფორმაციო კამპანიაში ჩართვის მსურველთა განაცხადების მიღება 23 ივლისამდე გრძელდება. განაცხადის ფორმა შეგიძლიათ იხილოთ დევნილთა საარსებო წყაროებით უზრუნველყოფის სააგენტოს ოფიციალურ Facebook გვერდზე. შერჩეული მოხალისეები მუშაობას აგვისტოს პირველ ნახევარში დაიწყებენ და მათი შრომა ანაზღაურდება.

დევნილთა საარსებო წყაროებით უზრუნველყოფის სააგენტოს,  საინფორმაციო კამპანიის ჩატარებაში, პარტნიორობას ამერიკის შეერთებული შტატების  საერთაშორისო  განვითარების  სააგენტოს (USAID) პროექტი ZRDA უწევს“,-ნათქვამია სამინისტროს მიერ განცხადებაში.  

 (NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - 2022 წლის მარტში საქართველომ, ევროკავშირის წევრობის კანდიდატის სტატუსის მისაღებად განაცხადი წარადგინა, თუმცა საქართველოს განაცხადი არ დაკმაყოფილდა, ეს იყო დიდი შეცდომა

ხუთმა ქვეყანამ უარი თქვა რუსეთის ნაკრებთან ერთად 2027 წლის ჰოკეის მსოფლიო ჩემპიონატზე თამაშზე

კობახიძე ბერა ივანიშვილის სარჩელის გამო ქართუმ მედიას მორიჯ ჯერზე ბრიუსელიდან ემუქრება

კობახიძე- საზოგადოებამ იცის, რა წერია გამჭვირვალობის შესახებ კანონში, ქართველმა ხალხმა ნახა, რომ არაფერი რუსული ამ კანონში არ არის