საქართველოს პრეზიდენტი გიორგი მარგველაშვილი ათონელის ქუჩაზე მდებარე რეზიდენციაში გადასვლას არ აპირებს. ამის შესახებ გიორგი მარგველაშვილმა ჟურნალისტებს განუცხადა.
როგორც პრზიდენტმა განმარტა, ათონელის რეზიდენციის საკითხი, პოლიტიკური თემაა და არც კვადრატულ თემებსა და  არც კომუნალურ საკითხებს არ უკავშირდება. მისივე თქმით, ბიძინა ივანიშვილისთვის მისი დამოუკიდებელი საქმიანობა მიუღებელია.
გიორგი მარგველაშვილის შეფასებით,  საქართველოს არ სჭირდება პრეზიდენტი,  რომელიც მითითებისამებრ დატოვებს ერთ შენობას და სხვა შენობაში გადავა.
"ყველასთვის ნათელია, რომ ეს თემა არ უკავშირდება არც კვადრატულ მეტრებს  და არც საბინაო კომუნალურ საკითხებს. ეს პოლიტიკური თემაა. თემა, რომლის  შინაარსიც შემდეგია, რომ სამწუხაროდ ბატონ ბიძინასთვის მიუღებელია  ის, რომ მე თვითონ ვწყვეტ ჩემს პოზიციას  და ჩემს დამოუკიდებელ საქმიანობას.  ბუნებრივია, ასეთ ვითარებაში არც საქართველოს  არ სჭირდება ისეთი პრეზიდენტი, რომელიც დაემორჩილება  და მითითებისამებრ დატოვებს ერთ შენობას და გადავა მეორე შენობაში  და ეს საკითხი უკავშირდება აგრეთვე ნებისმიერ მოქალაქეს. მე, როგორც მოქალაქემ, არამგონია, რომ  უნდა დავთმო ჩემი ღირსება და ვიმოქმედო  მითითებისამებრ, მაგრამ როგორც პრეზიდენტი ვალდებული ვარ, რომ  უბრალოდ ეს არ გავაკეთო და დავიცვა, როგორც ინსტიტუტის  ღირსება, ასევე პირინციპში ნებისმიერი მოქალაქის თავისუფალი არჩევანი. შესაბამისად, ამ პოლიტიკურ საკითხში, რომელშიც ინტერესი ფაქტობრივად  არავის არ გააჩნია, გარდა ეს არის  ჩემი და ბიძინას სამწუხარო პიროვნული დაპირისპირების თემა, ბუნებრივია ამ საკითხში მე, როგორც გიორგი მარგველაშვილი და რიგითი მოქალაქე, ვიცავ ჩემს ღირსებას, როგორც პრეზიდენტი კი, ვალდებულებას ვასრულებ და ვიცავ  საპრეზიდენტო ინსტიტუტის ღირსებას, რითაც ფაქტობრივად, ჩემი აზრით, ნებისმიერი პოლიტიკური ძალის და, მათ შორის,  ნებისმიერი მოქალაქის თავისუფალ არჩევანს ვიცავ",-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Tv pirveli: ირაკლი ღარიბაშვილთან ციხეში ადვოკატის სახელით მისი ცოლის და შევიდა

ბიზნესმენ ირაკლი რუხაძის რუსთავის ფოლადმა არმატურის ბიზნესი გაყიდა

პოლიციამ ბათუმში ორი პირის მიმართ ჩადენილ ჯანმრთელობის მსუბუქად დაზიანების ფაქტზე 2 პირი დააკავა

საქართველოს ბანკის მხარდაჭერით ქუთაისში მეწარმე ქალთა განვითარების პროგრამა გაიმართა