დარწმუნებული ვარ, კონსტიტუცია როგორც უნდა შევცვალოთ და მასში რა ცვლილებაც უნდა შევიტანოთ, მას პრეზიდენტი ვეტოს აუცილებლად დაადებს, - ამის შესახებ ირაკლი კობახიძემ ჟურნალისტებს განუცხადა.

პარლამენტის თავმჯდომარეს მიაჩნია, რომ საკონსტიტუციო ცვლილებები წარმატებული პროცესია, თუმცა პრეზიდენტი ვეტოს უპირობოდ გამოიყენებს.

„ამ სესიის განმავლობაში, ერთ-ერთი მთავარი საკითხი საკონსტიტუციო ცვლილებები იყო, რომელიც ორი მოსმენით ძალიან წარმატებით მივიღეთ. ეს წარმატებული პროცესია, რომელიც ასევე წარმატებით გაგრძელდება და ლოგიკურად დასრულდება. 

ამ დოკუმენტს მესამე მოსმენით შემოდგომაზე მივიღებთ. დამატებითი კონსულტაციებისთვის მზად ვართ, რისი შეცვლაც არის შესაძლებელი მესამე მოსმენის ფარგლებში. ჩვენ ასეთი კონსულტაციებისთვის მზად ვართ. 

შეიძლება, დოკუმენტში ცვლილებები შევიდეს. ჩვენ კონსულტაციებისთვის ღია ვართ. საბოლოო ჯამში, კონსტიტუცია მიღებული შემოდგომაზე იქნება. ეს ის პირობაა, რომელიც დღესვე შეგვიძლია დავდოთ. დარწმუნებული ვარ, კონსტიტუცია როგორც უნდა შევცვალოთ და მასში რა ცვლილებაც უნდა შევიტანოთ, მას პრეზიდენტი ვეტოს აუცილებლად დაადებს. ეს მისი გაცხადებული ნებაა. საშემოდგომო სესიის განმავლობაში, ვეტოს უპირობოდ ველოდებით“, - აღნიშნა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში