სასტუმროში „ქორთიარდ მარიოტი“ 2007-2013 წლებში ევროკავშირის საქართველოსთან თანამშრომლობის შეფასების ანგარიშის პირველადი ვერსიის განხილვა-სემინარი გაიმართა.

სემინარი ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის მოადგილემ მარიამ რაქვიაშვილმა და საქართველოში ევროკავშირის წარმომადგენლობის ხელმძღვანელის მოადგილემ ბორის იაროშევიჩმა გახსნეს. 

შეფასების ანგარიში ევროკავშირის დამოუკიდებელმა ექსპერტებმა დარგობრივ სამინისტროებთან კონსულტაციის საფუძველზე მოამზადეს, რომელიც სისხლის სამართლის, საჯარო ფინანსების მართვის, სოფლის მეურნეობის და რეგიონალური განვითარების, სამოქალაქო საზოგადოების, იძულებით გადაადგილებულ პირთა და კონფლიქტის მშვიდობიანი მოგვარების სფეროებს მოიცავს.

2007-2013 წლებში ევროკავშირის საქართველოსთან თანამშრომლობის (მოიცავს თანამშრომლობის 7 წლიან პერიოდს)  შეფასების მისია  გასული წლის აპრილიდან ევროკომისიის ინიციატივით მუშაობს. შეფასების პროცესში ჩართულია ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ევროკავშირის დახმარებების კოორდინაციის დეპარტამენტი.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ

გავრილოვის ღამის ერთ ეპიზოდთან დაკავშირებით საქართველომ სტრასბურგის სასამართლოში დავა წააგო