პარლამენტში ეთნიკურად სომეხ და აზერბაიჯანელ დეპუტატებს შორის სიტყვიერი დაპირისპირება მოხდა. 

დაპირისპირების მიზეზი კი, პარლამენტის ფრაქცია „ერთიანი ნაციონალური მოძრაობის“ წევრის სამოელ პეტროსიანის მიერ პირველი მსოფლიო ომის დროს თურქეთში მცხოვრები სომხების გენოციდის აღიარების მოთხოვნა გახდა. 

„თავის დროზე, დაგმობილი რომ ყოფილიყო  სომეხთა გენოციდი, მსოფლიოს სხვადასხვა კუთხეში მსგავსი ტრაგედიები არ მოხდებოდა.  მიმაჩნია, რომ ასეთი დანაშაული არც ერთი ერის წინააღმდეგ არ უნდა განმეორდეს. მოვუწოდებ  ყველა დემოკრატიულ ქვეყანას, სადაც ჯერჯერობით არ არის დაგმობილი და შეფასებული ეს ისტორიული ფაქტი, აღიაროს ეს მოვლენა“, – განაცხადა სამოელ პეტროსიანმა. 

პეტროსიანის ამ მოთხოვნას ეთნიკურად აზერბაიჯანელი დეპუტატი, პარლამენტის „ერთიანი ნაციონალური მოძრაობის“ წევრი  აზერ სულეიმანოვი გამოეხმაურა.

„ეს არ იყო გენოციდი, ეს იყო სამოქალაქო დაპირისპირება, სამოქალაქო ომი.  ამ ომში უფრო მეტი თურქები დაიღუპნენ, ვიდრე სომხები. 100 000–მდე აზერბაიჯანელი დახოცეს სომხებმა“, – აღნიშნა სულეიმანოვმა. 

ამასთან, ფრაქცია „ქართული ოცნების“ წევრის მახირ დარზიევის შეფასებით, გენოციდის აღიარების საკითხის განხილვა სახელმწიფოებრივ ინტერესებში არ შედის. 

„გენოციდის აღიარება დაძაბავს ურთიერთობას მეზობელ თურქეთთან, რომელიც საქართველოს სტრატეგიული პარტნიორი და ნატო–ს წევრი ქვეყანაა“, – განაცხადა დარზიევმა.  

საპარლამენტო უმცირესობის წევრმა ნუგზარ წიკლაურმა კი, დეპუტატებს მოუწოდა, პარლამენტში ამ თემის განხილვა აღარ გაგრძელდეს. 

„ეს თემა არ დაუკავშრდეს ოდნავ მაინც რაღაც ეთნიკურ დაპირისპირებას. ამოსავალი წერტილი ჩვენთვის, საქართველოს პარლამენტის ყველა წერვისათვის გახლავთ სწორედ ქართული სახელმწიფო და ქართულ სახელმწიფოში თანაცხოვრების ის უნიკალური ტრადიცია, რომელიც ჩვენ ამ წლების განმავლობაში შევქმენით“, – აღნიშნა წიკლაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ

გავრილოვის ღამის ერთ ეპიზოდთან დაკავშირებით საქართველომ სტრასბურგის სასამართლოში დავა წააგო