ე.წ. ციანიდის საქმეზე ბრალდებული დეკანოზ გიორგი მამალაძეს ადვოკატებმა საქალაქო სასამართლოში სარჩელი შეიტანეს.

ადვოკატებმა - მიხეილ რამიშვილმა და გიორგი ფანცულაიამ 19 მაისს, მოსამართლე ბესიკ ბუგიანიშვილის გადაწყვეტილებას ასაჩივრებენ, რომლის თანახმადაც, ისინი სასამართლო პროცესიდან გააძევა.

„როდესაც დეკანოზ გიორგი მამალაძის პროცესი დაიხურა, ამის შემდეგ, დეკანოზმა გამოთქვა პროტესტი და დატოვა სასამართლო დარბაზი, შემდეგ კი ჩვენ ადვოკატებს მოგვიწოდა, რომ დაგვეტოვებინა პროცესი. მოსამართლეს ავუხსენით პროცესის დატოვების მიზეზი. ამის შემდეგ 20 მაისს, ვგებულობთ, რომ ვიყავით გაძევებულები. ჩაგვბარდა განკარგულება გაძევების თაობაზე მე და მიხეილ რამიშვილს. ჩვენ ვითხოვთ, რომ განკარგულება ბათილად იქნეს ცნობილი, დავბრუნდეთ 30 მაისს სასამართლო სხდომაზე იმ მარტივი მიზეზის გამო, რომ ჩვენ არ გვქონდა უფლება იქ გავჩერებულიყავით და ჩვენი დაცვის ქვეშ მყოფის წინააღმდეგ გვემოქმედა. რაც შეეხება მია ზოიძეს, არ ჩაბარებია დღემდე განკარგულება და ჩვენთვის გაუგებარია არის თუ არა ის გაძევებული სასამართლო პროცესიდან. ეკა ლომიძე რომელიც არის მეოთხე ადვოკატი და ჯანმრთელობის მდგომარეობის გამო არ იმყოფებოდა, მას რა უფლებით შეუზღუდეს დაცვის უფლების განხორციელება. თუ ეკა ლომიძე არ არის ჩამოშორებული, რა უფლებით დაუნიშნეს სახაზინო ადვოკატი“,- განაცხადა გიორგი ფანცულაიამ. 

დააკმაყოფილებს თუ არა სააპელაციო სასამართლო ბრალდებული დეკანოზ გიორგი მამალაძის ადვოკატების სარჩელს, 3 დღეში გახდება ცნობილი.

შეგანხსენებთ, რომ 19 მაისის საქალაქო სასამართლოში დეკანოზ გიორგი მამალაძის არსებითი განხილვების პირველი სხდომა გაიმართა. მოსამართლემ სხდომა დატოვა, რის შემდეგადაც დეკანოზმა პროტესტის ნიშნად დარბაზი დატოვა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო

ერთ წელიწადში საქართველოში 1560 ბავშვზე იძალადეს, მათ შორის 170-ზე სექსუალურად

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა