იუსტიციის მინისტრის პირველი მოადგილე ალექსანდრე ბარამიძე ევროკავშირის იუსტიციის ერთიანი სისტემა ევროჯასტის ექსპერტებს შეხვდა.

იუსტიციის სამინისტროს ინფორმაციით, ალექსანდრე ბარამიძემ დელეგაციის წევრებს მადლობა გადაუხადა საქართველოსთან აქტიური და ნაყოფიერი თანამშრომლობისათვის, რომელიც საქართველოსა და ევროკავშირს შორის ასოცირების ხელშეკრულების დღის წესრიგითაა გათვალისწინებული. ალექსანდრე ბარამიძის თქმით, საქართველოსა და ევროჯასტს შორის თანამშრომლობის გააქტიურება  კარგი საშუალებაა იმისათვის, რომ საქართველოს იუსტიციის სისტემა კიდევ უფრო დაუახლოვდეს ევროპულ სტანდარტებს, შექმნას ევროკავშირთან რეგულაციების ერთიანი სივრცე და მხარეებს შორის სამართლებრივი ურთიერთდახმარების მექანიზმები კიდევ უფრო დაიხვეწოს.

იუსტიციის მინისტრის პირველმა მოადგილემ იმედი გამოთქვა, რომ წარმატებული თანამშრომლობა საქართველოსა და ევროჯასტს შორის ურთიერთთანამშრომლობის ხელშეკრულების ხელმოწერით დასრულდება. შეხვედრას ასევე საქართველოს მთავარი პროკურორის მოადგილე და მონაცემთა დაცვის ინსპექტორი ესწრებოდნენ.

ევროჯასტი (Eurojust) იუსტიციის სფეროში ევროკავშირის ქვეყნების თანამშრომლობის ორგანოა, რომლის ძირითადი დანიშნულება სისხლის სამართლის საქმეებზე ევროკავშირის წევრი ქვეყნების საქმიანობის კოორდინაციაა, მათ შორის, ევროკავშირის არაწევრ, ევროინტეგრაციის პროცესში მყოფ პარტნიორ სახელმწიფოებთან. მასთან ურთიერთთანამშრომლობის ხელშეკრულების გაფორმებას ქართული მხარე რამდენიმე წლის განმავლობაში ცდილობდა. საბოლოო გადაწყვეტილება 2015 წელს იუსტიციის მინისტრ თეა წულუკიანისა და ევროჯასტის პრეზიდენტ მიშელ კონინქსთან შეხვედრისას იქნა მიღებული. ევროკავშირის იუსტიციის ერთიან ორგანოსთან ხელშეკრულების გაფორმება ნიშნავს იმას, რომ  საქართველოს მართლმსაჯულების სისტემა მჭიდრო კავშირში იქნება ევროპის მართლმსაჯულების სისტემასთან; ქართველი მოსამართლეები, პროკურორები, გამომძიებლები და სამართლის სისტემის სხვა წარმომადგენლები საკუთარ საქმიანობას განახორციელებენ ევროპული მაღალი სტანდარტის შესაბამისად და ითანამშრომლებენ ევროპელ კოლეგებთან ტრანსნაციონალურ დანაშაულთან ბრძოლის საქმეში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო

ერთ წელიწადში საქართველოში 1560 ბავშვზე იძალადეს, მათ შორის 170-ზე სექსუალურად

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა