კობახიძე: რუსი ტურისტების ინტერესი საქართველოს მიმართ დიდია და ვფიქრობ, ამას საფრთხეს არაფერი შეუქმნის

2017-05-16 16:31:18, 1943 ნახვა

პოლიტიკა კომენტარი

"მოხარული ვართ, რომ რუსეთიდან ტურისტული ნაკადები იზრდება. დიდი იმედი გვაქვს, ეს ტენდენცია გაგრძელდება",-ასე გამოეხმაურა პარლამენტის თავმჯდომარე ირაკლი კობახიძე რუსეთის საგარეო უწყების განცხადებას, რომლითაც თავის მოქალაქეებს საქართველოში გამგზავრებასთან დაკავშირებული რისკების შეფასებას ურჩევენ.

მისივე შეფასებით, რუსი ტურისტების ინტერესი საქართველოს მიმართ დიდია და ამ ინტერესს საფრთხეს არაფერი შეუქმნის.

"მთავარი, ჩვენი პოლიტიკა გავაგრძელოთ. პოლიტიკურ დონეზე ესაა ე.წ. პრაგმატული პოლიტიკა, რომელსაც აქვს საყოველთაო მხარდაჭერა, მათ შორის ჩვენი დასავლელი პარტნიორების მხრიდან. რაც შეეხება ხალხებს შორის ურთიერთობას, ამას აქვს დიდი მნიშვნელობა და მნიშვნელოვანია, რომ ტურისტული ნაკადები იზრდება და ამ მიმართულებით მუშაობა უნდა გაგრძელდეს",-განაცხადა ირაკლი კობახიძემ

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან