ყოფილი მთავარი პროკურორის ოთარ ფარცხალაძის ადვოკატები არ გამორიცხავენ, რომ სახელმწიფო აუდიტის სამსახურის უფროსმა ლაშა თორდიამ თვითდაზიანებები მიიყენა.

როგორც ადვოკატებმა დღეს გამართულ ბრიფინგზე აღნიშნეს, თორდიამ საავადმყოფოს დახმარების გასაწევად ინციდენტიდან 5 საათში მიმართა. 

„ჩვენ მიერ მოპოვებული ინფორმაციით გამოიკვეთა 3 მნიშვნელოვანი გარემოება - ის, რომ არავის არავინ უცემია, არ მომხდარა 10-15 პირის მიერ ადამიანის გამეტება, ინციდენტის მერე, პიროვნება რჩება კაფეში და 5 საათის მერე მიდის კლინიკაში და არ ახდენს სამართლებრივ რეაგირებას. მოვუწოდებთ საგამოძიებო ორგანოებს, ამ კითხვებზე მოგვცენ პასუხები“, - აცხადებენ ადვოკატები.

მათივე თქმით, გამორიცხული არაა, რომ თორდიას დაზიანებები იმ 5 საათის განმავლობაში მიეღო ან თვითდაზიანებები მიიყენა. 

„გამორიცხული არაფერია“ - განუცხადეს მათ ჟურნალისტებს. 

ადვოკატების ინფორმაციით, ოთარ ფარცხალაძე მზად არის, გამოძიების კითხვებს უპასუხოს. დაცვის მხარე მოითხოვს, გასაჯაროვდეს ბარში ამოღებული ვიდეომასალები. 

შეგახსენებთ, რომ სახელმწიფო აუდიტის სამსახურის ხელმძღვანელს ლაშა თორდიას 12 მაისს თავს დაესხნენ. ლაშა თორდიას განცხადებით მას თავს ყოფილი მთავარი პროკურორი ოთარ ფარცხალაძე და მასთან ერთად მყოფი რამდენიმე პირი დაესხა. მისივე თქმით, თავდასხმა პირადი ანგარიშსწორების მიზნით განხორციელდა და მის სამსახურებრივ საქმიანობას უკავშირდება. ლაშა თორდიას საქმეზე შსს-მ გამოძიება ძალადობის მუხლით დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი