შინაგან საქმეთა მინისტრი, გიორგი მღებრიშვილი საგზაო მოძრაობის უსაფრთხოებისადმი მიძღვნილ კონფერენციას დაესწრო. კონფერენცია, გაეროს საგზაო უსაფრთხოების მეოთხე გლობალური კვირეულის ფარგლებში, არასამთავრობო ორგანიზაციის - „საქართველოს ალიანსი უსაფრთხო გზებისთვის“ და საქართველოში გაეროს მუდმივი წარმომადგენლობის ინიციატივით ჩატარდა.

„ჩემთვის დიდი პატივია, რომ თქვენთან ერთად, კიდევ ერთი ნაბიჯი უნდა გადავდგა საგზაო მოძრაობის უსაფრთხოებისკენ - ჩვენი და არამარტო ჩვენი მოქალაქეების დასაცავად. ამავე იდეას ემსახურება საქართველოს შს სამინისტროს მიერ 1 წლის წინ დაწყებული კამპანია - „შენი გულისთვის, შენი უსაფრთხოებისთვის“. ჩვენი კამპანიის ფარგლებში, ამჟამად საგზაო მოძრაობის უსაფრთხოების კვირეული მიმდინარეობს, რომელიც უერთდება გაერო-ს გლობალურ ინიციატივას - „შეანელე“. მე ყველა იმ ადამიანის გვერდით ვარ და ვიქნები, ვინც საგზაო მოძრაობის უსაფრთხოების საქმეში თუნდაც მცირე წვლილს შეიტანს, რადგან ზუსტად ვიცი, რომ ეს ის გამოწვევაა, რომლის წინააღმდეგაც ყველა უნდა გავერთიანდეთ და ერთად ვიმოქმედოთ. ჩემთვის დასავლური ღირებულებები სწორედ ასეთი შეგნებიდან იწყება და იმედი მაქვს, რომ ამ სულისკვეთებას ყველა გაიზიარებს“, - განაცხადა კონფერენციაზე სიტყვით გამოსვლისას გიორგი მღებრიშვილმა.

ღონისძიებაში საქართველოში გაეროს მუდმივი წარმომადგენლობის ხელმძღვანელი - ნილს სკოტი, გარემოსა და ბუნებრივი რესურსების დაცვის მინისტრი - გიგლა აგულაშვილი, საქართველოში შვეიცარიისა და პოლონეთის სრულუფლებიანი და საგანგებო ელჩები, ეკონომიკისა და მდგრადი განვითარების სამინისტროს, თბილისის მერიისა და არასამთავრობო სექტორის წარმომადგენლები მონაწილეობდნენ.

კონფერენციის მიზანი იყო საგზაო უსაფრთხოების სფეროში არსებული გამოწვევების და სამომავლო გეგმების განხილვა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის