მარნეულის სოფელ თაქალოში 17 წლის გოგოს გატაცების ფაქტზე გამოძიება დაიწყო.

როგორც "ექსპრესნიუსს" შინაგან საქმეთა სამინისტროში განუცხადეს, ძიება სისხლის სამართლის კოდექსის 143-ე მუხლით მიმდინარეობს, რაც თავისუფლების უკანონოდ აღკვეთას გულისხმობს.

უწყებაში აცხადებენ, რომ დადგენილია გამტაცებლის ვინაობაც.

წინასწარი ინფორმაციით, გატაცება ოჯახის შექმნის მიზნით მოხდა. გამტაცებელი 27 წლის მამაკაცია. გოგონა სკოლის მოსწავლე იყო და მე12-ე კლასში დადიოდა.

აღნიშნულ ფაქტს გამოეხმაურა "საფარის" ხელმძღვანელი ბაია პატარაია, რომელმაც დაწერა, რომ ამ დრომდე არ იციან გოგონას ადგილსამყოფელი.

"დღეს აზერბაიჯანელი სკოლის მოსწავლე გოგონა მასზე 10 წლით უფროსმა თანასოფლელმა კაცმა გაიტაცა სკოლასთან ახლოს. მასწავლებელმა დარეკა პატრულში. ოჯახი ზის და გამწარებული ელოდება. პატრული არ ჩქარობს.
ვინ იცის იმ გოგოს შეიძლება ახლა ის კაცი აუპატიურებს ან სცემს. არავინ არაფერს არ აკეთებს. არავინ არ ტოკავს. მთელი დღეა ამბავს ველოდებით და ისიც არ ვიცით, საქმე აღძრულია თუ არა. არაფერი არ ვიცით. ყველას ფეხებზე ჰკიდია ის ბავშვი.
პ.ს. რომ გამოჩნდებიან, ალბათ პროკურატურა საპროცესოს გაუფორმებს, ან მთლად იმას ათქმევინებენ გატაცებულ ბავშვს, რომ თავისით გაჰყვა"- წერს პატარაია.

ფოტო რეკონსტრუქცია

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის

გურამ დადიანიძის საქმეზე დღეს შსს-სთან აქცია გაიმართა

თბილისში, სკოლაში ძალადობის ორგანიზების ბრალდებით ორი არასრულწლოვანი დააკავეს