„ვეცადე კითხვებზე ამომწურავი პასუხები გამეცა, გამომდინარე იქიდან, რა უფლებასაც „კონტრდაზვერვის შესახებ“ კანონი მაძლევდა“, - ამის შესახებ სახელმწიფო უსაფრთხოების სამსახურის ხელმძღვანელმა ვახტანგ გომელაურმა პარლამენტში ანგარიშის წარდგენის შემდეგ ჟურნალისტებს განუცხადა.

რაც შეეხება სხდომის დახურულ რეჟიმში გაგრძელებას, გომელაურმა განმარტა, რომ იყო გარკვეული საკითხები, რომელზეც საჯაროდ საუბარი ვერ მოხერხდებოდა.

 „დეპუტატებმა ბევრი კითხვა დასვეს. ვეცადე მათზე ამომწურავი პასუხები გამეცა, გამომდინარე იქიდან, რა უფლებასაც „კონტრდაზვერვის შესახებ“ კანონი მაძლევდა. ისეთ თემებზე იყოს საუბარი, რომ ღია სხდომაზე ამაზე ვერ ვისაუბრებდით ვერანაირად. ძველი თემები გავიხსენეთ, 2012-მდე, გავიხსენეთ დღევანდელი ახალი თემები, იყო ოთხოზორიას საკითხი და კიდევ სხვადასხვა თემა. ვფიქრობ, ბევრ კითხვაზე გავეცით ამომწურავი პასუხი“, - განაცხადა სუს-ის ხელმძღვანელმა.

შეგახსენებთ, პარლამენტში სახელმწიფო უსაფრთხოების სამსახურის 2016 წლის ანგარიში მოისმინეს. ვახტანგ გომელაურის მოხსენების შემდეგ პარლამენტის სხდომა დაიხურა და ანგარიშის მოსმენა კითხვა-პასუხის რეჟიმში გაგრძელდა. საბოლოოდ, საკანონმდებლო ორგანომ სახელმწიფო უსაფრთხოების სამსახურის წლიური ანგარიში 93 ხმით ერთის წინააღმდეგ ცნობად მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს