სოზარ სუბარი: დეოკუპაცია აუცილებლად მოხდება

2017-04-19 14:16:35, 2049 ნახვა

პოლიტიკა კომენტარი

„ყოველი ჩასვლა არის უკანონო, მაგრამ წინა ჩასვლებსა და დღევანდელ ჩასვლას შორის რაიმე განსაკუთრებული ცვლილება არ არის, ამას „ნაციონალური მოძრაობის“ გასაგონად ვამბობ“,-ასე გამოეხმაურა საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი ოკუპირებულ აფხაზეთში რუსეთის საგარეო საქმეთა მინისტრის სერგეი ლავროვის ვიზიტს.

მინისტრის თქმით, ოკუპირებულ ტერიტორიაზე რუსეთის ე.წ. საელჩო დღეს არ გახსნილა.

„2008 წლის ოკუპაციის შემდეგ, რუსეთმა საქართველოს ტერიტორიული წარმონაქმნები, აბსოლუტურად უკანონოდ და აბსოლუტურად არალეგიტიმურად, დამოუკიდებელ სახელმწიფოებად ცნო. საელჩო დღეს არ გახსნილა, საელჩო გაიხსნა მაშინვე და მას შემდეგ ლავროვი უკვე მეოთხედ ჩავიდა. ყოველი ჩასვლა არის უკანონო, მაგრამ წინა ჩასვლებსა და დღევანდელ ჩასვლას შორის რაიმე განსაკუთრებული ცვლილება არ არის. ამას ვამბობ „ნაციონალური მოძრაობის“ გასაგონად. დეოკუპაცია მოხდება აუცილებლად. დეოკუპაციას სჭირდება ჩვენი ქვეყნის განვითარება და საერთაშორისო საზოგადოების მხარდაჭერა, რომელიც არის მყარი და არ იცვლება წლების განმავლობაში“, - განაცხადა სოზარ სუბარმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან