ეროვნული საინვესტიციო სააგენტო უქმდება და მისი ფუნქცია სსიპ „ აწარმოე საქართველოში“ გადავა, რომელსაც აქამდე მეწარმეობის განვითარების სააგენტო ერქვა.

შესაბამისი კანონპროექტი პარლამენტშია.  აღნიშნულთან დაკავშირებით განმარტებები მედიასთან მთავრობის სხდომის დასრულების შემდეგ ეკონომიკის მინისტრმა გიორგი გახარიამ გააკეთა:

„იყო ორი სხვადასხვა სააგენტო, ახლა არის ერთი სააგენტო. ინვესტიციების მოზიდვის მიმართულებით საინვესტიციო სააგენტოს ფარგლებში მუშაობდა დაახლოებით 25 ადამიანი,  ახლა იმუშავებს 7 ადამიანი. ეს იქნება მარტივი პატარა დეპარტამენტი, ხოლო იქ იყო  დიდი სააგენტო თავისი ხელმძღვანელით, ინფრასტრუქტურით, ბუღალტერიით და ა.შ. ვფიქრობ, აშკარა ადმინისტრაციული ხარჯების ეფექტურად ხარჯვის მიმართულებით გადადგმული  სერიოზული ნაბიჯია.

ინვესტიციების მიმართულებით იქ იმუშავებს მაქსიმუმ 7 ადამიანი. როდესაც საინვესტიციო სააგენტოში ოფიციალური შტატი იყო 25-ზე მეტი. უკვე გათავისუფლდა დანარჩენი ადამიანი სამსახურიდან რეორგანიზაციის ფარგლებში“,-აღნიშნა გიორგი გახარიამ.

კითხვაზე-უცხოური ინვესტიციების მოსაზიდად საკმარისია თუ არა შვიდი ადამიანი, გახარიამ უპასუხა, რომ  ამ მიმართულებით მხოლოდ ხსენებული  7 ადამიანი არ იმუშავებს, არამედ იქნება ძალიან ეფექტური სისტემური მუშაობა:

„ეს არის სისტემური მუშაობა, იქნება დიდი სააგენტო, რომლის პრეზენტაციაც მოხდება. ამ სააგენტოში იქნება სხვადასხვა ფუნქციები“,-განაცხადა გიორგი გახარიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსმა პროპაგანდისტმა სალავიუვმა იტალიის პრემიერ მელონის, ძუკნა ქალი უწოდა, რომმა ელჩი დაიბარა

CNN: აშშ-მ ირანთან ომისთვის „პატრიოტის“ ტიპის სარაკეტო კომპლექსების მარაგის 50% გამოიყენა

უკრაინის მიერ ნავთობის წარმოების დაზიანების ან განადგურების შემდგომ, რუსეთი ბენზინის წარმოების სახელმწიფო დაგეგმვის სისტემას აღადგენს

უკრაინაში კიდევ ერთი ქართველი მებრძოლი ბაჩო ბებია დაიღუპა